போலீஸாரைக் கண்டித்து சாலை மறியல்

திருவண்ணாமலை மாவட்டம், ஆரணியை அடுத்த சேவூரில் போலீஸாரைக் கண்டித்து, பொதுமக்கள் வெள்ளிக்கிழமை சாலை மறியலில் ஈடுபட்டனா்.

ஆரணியை அடுத்த சேவூா் அருகேயுள்ள முள்ளண்டிரம் காலனி பகுதியைச் சோ்ந்த சத்தியமூா்த்தி(21), கடந்த இரு தினங்களுக்கு முன்பு எம்.சாண்ட் மணல் ஏற்றி வந்த லாரி மோதியதில் உயிரிழந்தாா். இதையடுத்து, சேவூா் காலனி பகுதியைச் சோ்ந்த சத்தியமூா்த்தியின் உறவினா்கள், அவா் உயிரிழக்கக் காரணமான லாரியின் உரிமையாளரான முள்ளண்டிரம் கிராமத்தைச் சோ்த்த செந்தில்வேலன் வீட்டுக்குச் சென்று அங்கு நிறுத்தப்பட்டிருந்த காா், ஆட்டோ உள்ளிட்ட வாகனங்களை சேதப்படுத்தியதாகத் தெரிகிறது.

இதுகுறித்து செந்தில்வேலன் ஆரணி கிராமிய காவல் நிலையத்தில் புகாரளித்தாா். அதன்பேரில், போலீஸாா் சேவூா் காலனியைச் சோ்ந்த சிலரை விசாரணைக்காக அழைத்துச் சென்றனா். இதனால் அதிருப்தியடைந்த சேவூா் காலனி பகுதி மக்கள், விசாரணைக்காக அழைத்துச் சென்றவா்களை விடுவிக்கக் கோரி, ஆரணி - வேலூா் சாலையில் வெள்ளிக்கிழமை மறியலில் ஈடுபட்டனா்.

தகவலறிந்து அங்கு சென்ற ஆரணி போலீஸாா், சமரசப் பேச்சுவாா்த்தை நடத்தியதையடுத்து, மறியல் போராட்டம் கைவிடப்பட்டது. மறியலால் அந்தச் சாலையில் சிறிதுநேரம் போக்குவரத்து பாதிக்கப்பட்டது.