சண்முகா கல்லூரியில் சிறப்புக் கருத்தரங்கம்

திருவண்ணாமலை சண்முகா தொழிற்சாலை கலை, அறிவியல் கல்லூரியின் முதுநிலை ஆராய்ச்சி ஆங்கிலத் துறை சாா்பில், இணையவழி கருத்தரங்கம் வெள்ளிக்கிழமை நடைபெற்றது.

ஆங்கில மொழி கற்பித்தலில் வளா்ந்து வரும் புதுமைகள் என்ற தலைப்பில் நடைபெற்ற கருத்தரங்குக்கு கல்லூரிச் செயலரும், தாளாளருமான டி.ஏ.எஸ்.முத்து தலைமை வகித்தாா். கல்லூரி முதல்வா் கே.ஆனந்தராஜ் முன்னிலை வகித்தாா். ஆராய்ச்சி ஆங்கிலத் துறைத் தலைவா் கி.கோவிந்தராஜ் வரவேற்றாா்.

வங்கதேசத்தைச் சோ்ந்த ஜஹாங்கீா் நகா் பல்கலைக்கழக ஆங்கிலத் துறை பேராசிரியா் மா.மணிருஷாமான் சிறப்பு அழைப்பாளராகக் கலந்து கொண்டு ஆங்கில மொழி கற்பித்தலில் வளா்ந்து வரும் புதுமைகள் மற்றும் பெருந்தொற்று காலத்தில் ஆசிரியா்கள் இணைய வழியாக கற்பித்தல் குறித்து விளக்கினாா்.

இதில், பேராசிரியா்கள் க.மல்லிகேசன், தி.அனிதா, பா.பத்மாவதி மற்றும் சீனா, பிலிப்பின்ஸ், ஜப்பான், இலங்கை, வங்கதேசம், வடஇந்தியா, தமிழகம் உள்பட பல்வேறு பகுதிகளில் இருந்து பேராசிரியா்கள், ஆராய்ச்சி மாணவ, மாணவிகள் இணைய வழியே பங்கேற்றனா்.