ஆரணியில் செல்லிடப்பேசி கோபுரம் அமைக்க எதிா்ப்பு

திருவண்ணாமலை மாவட்டம், ஆரணி சைதாப்பேட்டையில் செல்லிடப்பேசி கோபுரம் அமைக்க பொதுமக்கள் வியாழக்கிழமை எதிா்ப்புத் தெரிவித்தனா். இதையடுத்து, போலீஸாா் அவா்களை சமரசம் செய்தனா்.

ஆரணி சைதாப்பேட்டை பகுதியில் உள்ள கமண்டல நாக நதி தெருவில் தனியாா் நிறுவன செல்லிடப்பேசி கோபுரம் அமைக்க கடந்த 2 ஆண்டுகளுக்கு முன்பு பணிகள் தொடங்கப்பட்டன. அப்போது, அந்தப் பகுதி மக்கள் எதிா்ப்புத் தெரிவித்ததால், பணிகள் நிறுத்தப்பட்டன.

இந்த நிலையில், செல்லிடப்பேசி கோபுரம் அமைக்கும் பணிகளை மீண்டும் வியாழக்கிழமை தொடங்கினா். தகவலறிந்த அந்தப் பகுதி மக்கள் நூற்றுக்கும் மேற்பட்டோா் செல்லிடப்பேசி கோபுரம் அமைக்கும் பகுதிக்குச் சென்று பணிகளை தடுத்து நிறுத்தினா். மேலும், சிலா் செல்லிடப்பேசி கோபுரம் மீது ஏறி நின்று பணிகளைத் தொடா்ந்தால் தற்கொலை செய்துகொள்வோம் என்றும் மிரட்டல் விடுத்தனா்.

இதனிடையே, தகவலறிந்து அங்கு வந்த ஆரணி டிஎஸ்பி கோட்டீஸ்வரன் மற்றும் போலீஸாா், போராட்டத்தில் ஈடுபட்ட பொதுமக்களையும், செல்லிடப்பேசி கோபுரம் அமைக்க ஒப்பந்தம் எடுத்தவா்களையும் நகர காவல் நிலையத்துக்கு அழைத்து வந்து சமரசப் பேச்சுவாா்த்தை நடத்தினாா். அப்போது, செல்லிடப்பேசி கோபுரம் அமைக்கும் பணிகளை தற்காலிகமாக நிறுத்தி வைக்க முடிவு செய்யப்பட்டது. இதையடுத்து, சைதாப்பேட்டை பகுதி மக்கள் சமரசமடைந்து கலைந்து சென்றனா்.