அனுபவங்களால் மாணவா்கள் அடுத்த நிலைக்கு முன்னேற வேண்டும்: ஆட்சியா் தெ.பாஸ்கர பாண்டியன்

அனுவங்கள் மூலம் அடுத்த நிலைக்கு மாணவா்கள் முன்னேறிச் செல்ல வேண்டும் என்று மாவட்ட ஆட்சியா் தெ.பாஸ்கர பாண்டியன் கூறினாா். திருவண்ணாமலை கலைஞா் கருணாநிதி அரசு கலை, அறிவியல் கல்லூரியில், மாபெரும் தனியாா்துறை சிறப்பு வேலைவாய்ப்பு முகாம் சனிக்கிழமை நடைபெற்றது. திருவண்ணாமலை மாவட்ட நிா்வாகம், மாவட்ட வேலைவாய்ப்பு மற்றும் தொழில்நெறி வழிகாட்டும் மையம், தமிழ்நாடு திறந்தநிலை பல்கலைகழகத்தின் மண்டல மையம் சாா்பில் நடைபெற்ற முகாமுக்கு, கூடுதல் ஆட்சியா் (வளா்ச்சி) செ.ஆ.ரிஷப் தலைமை வகித்தாா். தமிழ்நாடு திறந்தநிலைப் பல்கலைக்கழகத்தின் துணை வேந்தா் சோ.ஆறுமுகம், திருவண்ணாமலை கலைஞா் கருணாநிதி அரசு கலை மற்றும் அறிவியல் கல்லூரி முதல்வா் கா.பு.கணேசன் ஆகியோா் முன்னிலை வகித்தனா். மாவட்ட வேலைவாய்ப்பு அலுவலா் லோ.யோகலட்சுமி வரவேற்றாா். சிறப்பு அழைப்பாளராக திருவண்ணாமலை மாவட்ட ஆட்சியா் தெ.பாஸ்கர பாண்டியன் கலந்து கொண்டு முகாமை தொடங்கி வைத்துப் பேசியது: படித்த மாணவ-மாணவிகள் வேலை கிடைக்கும் வரை காத்திருப்பேன் என்று கூறாமல் அனுபவங்களைக் கற்றுக்கொண்டு அடுத்த நிலைக்கு முன்னேறிச் செல்ல வேண்டும். அனுபவத்தை கற்றுக்கொள்ளும்போது தொழில் முனைவோராக மாற முடியும். ஒவ்வொரு நீண்ட பயணமும் முதல் அடியில் இருந்துதான் தொடங்குகிறது. அந்த முதல் அடி என்பது சிறிய அடியாகத்தான் இருக்கும். மாணவ-மாணவிகளின் எதிா்கால நலன் கருதி போட்டித் தோ்வுகளுக்கான இலவசப் பயிற்சி வகுப்புகளை திருவண்ணாமலை மாவட்ட வேலைவாய்ப்பு அலுவலகம் நடத்துகிறது. இந்தப் பயிற்சி வகுப்புகளில் கலந்து கொண்டு மாணவா்கள் பயன்பெற வேண்டும். தொழில் முனைவோராக மாறுவதற்கு பல நிறுவனங்கள் மானியத்துடன் கடன் வழங்குகிறது. சனிக்கிழமை நடைபெற்ற வேலைவாய்ப்பு முகாமில் 85 முன்னணி தனியாா் நிறுவனங்கள் கலந்து கொண்டுள்ளன. இவா்கள் தங்கள் நிறுவனங்களுக்குத் தேவையான தகுதிகள் கொண்ட நபா்களுக்கு ரூ.10 ஆயிரம் முதல் ரூ.50 ஆயிரம் வரை ஊதியம் வழங்க காத்திருக்கின்றன என்றாா். முகாமில், 629 மாணவ-மாணவிகள் கலந்து கொண்டனா். இவா்களில் 230 போ் தோ்வு செய்யப்பட்டு அவா்களுக்கான பணி நியமன ஆணைகளை மாவட்ட ஆட்சியா் தெ.பாஸ்கர பாண்டியன் வழங்கினாா். முகாமில், திருவண்ணாமலை வருவாய் கோட்டாட்சியா் ஆா்.மந்தாகினி, மாவட்ட வேலைவாய்ப்பு அலுவலக இளநிலை வேலைவாய்ப்பு அலுவலா் த.மோகன்ராஜ் மற்றும் மாணவ-மாணவிகள், தனியாா் துறை நிறுவனங்கள் கலந்து கொண்டன.