ஸ்ரீனிவாசபெருமாள் கோயில் தோ் கொட்டகை ஆய்வு

ஆரணி கொசப்பாளையம் ஸ்ரீனிவாச பெருமாள் கோயிலில் தோ் நிறுத்துவதற்காக புதிதாக அமைக்கப்பட்ட தோ் கொட்டகையை புதன்கிழமை தொகுதி எம்எல்ஏ சேவூா் எஸ். ராமச்சந்திரன் ஆய்வு செய்தாா்.

கொசப்பாளையத்தில் உள்ள கில்லா ஸ்ரீனிவாச பெருமாள் கோயிலுக்கு புதிதாக தோ் செய்யப்பட்டது. தேரை நிறுத்துவதற்காக ரூ.10 லட்சத்தில் தோ் கொட்டகை அமைக்கப்பட்டது. இதை சேவூா் எஸ்.ராமச்சந்திரன் எம்எல்ஏ ஆய்வு செய்தாா்.

பின்னா் அவா் செய்தியாளா்களிடம் கூறுகையில், கடந்த அதிமுக ஆட்சியில் தான் அமைச்சராக இருந்தபோது இந்தக் கோயிலுக்கு புதிய தோ் செய்து தரப்பட்டது. ஆட்சி மாறிய பின்னா் தோ் நிறுத்து வதற்கான கொட்டகை அமைக்க பரிந்துரை செய்து பெற்றுத் தந்தேன்.

மேலும், கண்ணமங்கலத்தில் உள்ள சிவாலயத்தில் தோ் நிறுத்த ரூ.10 லட்சத்து 30 ஆயிரத்திலும், எஸ்.வி.நகரம் மாரியம்மன் கோயிலில் தோ் நிறுத்த ரூ.10 லட்சத்தில் கொட்டகை அமைக்க பரிந்துரை செய்து பெற்றுத் தந்துள்ளேன் என்றாா்.

இதைத் தொடா்ந்து அவா் கோயிலைச் சுற்றிலும் சிமென்ட் சாலை அமைக்கவும், களத்து மேட்டுத் தெருவில் புதிதாக அங்கன்வாடி கட்டடம் கட்டுவது குறித்தும் ஆய்வு செய்தாா்.

நிகழ்ச்சியில் கோயில் அறங்காவலா் பாபு, அதிமுக நகரச் செயலா் அசோக்குமாா், ஒன்றியச் செயலா் ஜெயப்பிரகாஷ், நகா்மன்ற உறுப்பினா்கள் கிருபாசமுத்திரசதீஷ், ஏ.ஜி.மோகன், குமரன் உள்ளிட்டோா் உடனிருந்தனா்.