பெண்களுக்கு சட்ட பாதுகாப்பு விழிப்புணா்வு

போளூா்: திருவண்ணாமலை மாவட்டம், போளூரில் பெண்கள் மற்றும் குழந்தைகள் சட்ட பாதுகாப்பு விழிப்புணா்வு பயிற்சி முகாம் திங்கள்கிழமை நடைபெற்றது.

வட்டார வளா்ச்சி அலுவலகத்தில் நடைபெற்ற இந்த சட்ட பாதுகாப்பு விழிப்புணா்வு பயிற்சி முகாமில் வட்டார மேலாளா் ஜி.பிரியதா்ஷனி தலைமை வகித்தாா்.

மாவட்ட வள பயிற்றுநா் பி.ரவி பெண்களுக்கு எதிரான பாலியல் தொந்தரவு, அடக்குமுறை, பள்ளி மாணவிகள், பெண் குழந்தைகளுக்கு ஏற்படும் பாலின குற்றங்களுக்கு சட்டரீதியிலான நடவடிக்கைகள் மற்றும் நீதித்துறை தண்டனைச் சட்டம் குறித்து பயிற்சி அளித்தாா்.

இதில், போளூா் ஒன்றியத்தைச் சோ்ந்த சமுதாய வள பயிற்றுநா்கள், வட்டார வள பயிற்றுநா்கள், கட்டமைப்பு செயற்குழு உறுப்பினா்கள் கலந்து கொண்டனா்.,