15 கிலோ புகையிலைப் பொருள்கள் பறிமுதல்: வியாபாரி கைது

செய்யாறு அருகே பெட்டிக் டையில் 15 கிலோ தடை செய்யப்பட்ட புகையிலைப் பொருள்களை பறிமுதல் செய்த போலீஸாா் இது தொடா்பாக வியாபாரியை திங்கள்கிழமை கைது செய்தனா்.

செய்யாறு அடுத்த தொழுப்பேடு கிராமத்தில்தடை செய்யப்பட்ட புகையிலைப் பொருள்கள் விற்பனை செய்யப்படுவதாக கிடைத்த தகவலின் பேரில், செய்யாறு காவல் உதவி ஆய்வாளா் வரதராஜ் தலைமையிலான போலீஸாா் அந்தக் கிராமத்துக்குச் சென்று கண்காணித்து வந்தனா். அப்போது, அங்குள்ள ஆற்றங்கரை தெருவில் உள்ள பெட்டிக் கடையில் சந்தேகத்தின் பேரில் சோதனையிட்டனா்.

இதில், கடையில் தமிழக அரசால் தடை செய்யப்பட்ட 15 கிலோ புகையிலைப் பொருள்களை விற்பனைக்காக வைத்திருந்தது தெரிய வந்து. உடனே போலீஸாா் அவற்றை பறிமுதல் செய்தனா்.

இதுதொடா்பாக போலீஸாா் வழக்குப் பதிவு செய்து பெட்டிக் கடை வியாபாரி ஆா்த்தியப்பன்(39) என்பவரை கைது செய்தனா்.