ஸ்ரீலஸ்ரீ சாது சுவாமிகள் குருபூஜை

திருவண்ணாமலை கிரிவலப்பாதை எமலிங்கம் அருகில் ஸ்ரீலஸ்ரீ சாது சுவாமிகள் 13-ஆம் ஆண்டு குருபூஜை செவ்வாய்க்கிழமை சுவாமிகள் நல்லடக்கம் செய்யப்பட்ட இடத்தில் நடைபெற்றது.

இதையொட்டி உலக நன்மைக்காக மகா ஸ்ரீம்ருத்யுஞ்ஜய ஹோமமும், ஸ்ரீ ருத்ரம் மற்றும் ஸ்ரீ குரு கீதா ஹோமமும், 108 சங்கு அபிஷேகமும் நடைபெற்றது.

கோவை தென்சேரிமலை மந்திர வேலாயுத சுவாமி திருக்கோயில் குருக்கள் ஏ.மந்திராஜலம் யாகத்தை நடத்தினாா். யாகத்தில் வெளிநாட்டவா்கள் உள்பட ஏராளமானோா் கலந்து கொண்டனா்.

குருபூஜையில் கலந்துகொண்ட அனைவருக்கும் கோவை தொழிலதிபா் டி.டி.கே.முருகன் அன்னதானம் மற்றும் சுவாமி பிரசாதம், நாள்காட்டி வழங்கினாா்.

விழாவில் திருவண்ணாமலை அருளாளா் அருணகிரிநாதா் மணிமண்டப அறக்கட்டளைத் தலைவா் மா.சின்ராஜ், செயலா் பி.அமரேசன், பொருளாளா் வ.தனுசு, உடுப்பி ராமச்சந்திர உபாத்யாயா, தொழிலதிபா் கோவை ராமசாமி, புதுச்சேரி நீதியரசா் முருகபூபதி, தொழிலதிபா்கள் மாசிலாமணி, சி.எஸ்.துரை, சிங்கப்பூா் ரமணா, பாவலா் பா.குப்பன் உள்ளிட்டோா் கலந்துகொண்டனா்.