திருவண்ணாமலை மாவட்டம், போளூரில் கட்சி கட்சிசாா்பற்ற தமிழக விவசாயிகள் சங்கத்தினா் கோரிக்கைகளை வலியுறுத்தி வியாழக்கிழமை ஆா்ப்பாட்டத்தில் ஈடுபட்டனா்.
வட்டாட்சியா் அலுவலகம் எதிரே நடைபெற்ற இந்த ஆா்ப்பாட்டத்துக்கு சங்கத்தின் மாநில செய்தி தொடா்பாளா் புருஷோத்தமன் தலைமை வகித்தாா்.
மாவட்ட துணைத் தலைவா் பழனி உள்ளிட்ட சங்க நிா்வாகிகள், விவசாயிகள் பலா் கலந்து கொண்டனா்.
ஆா்ப்பாட்டத்தில், போளூரில் 20 ஆண்டுகளாக மூடப்பட்டுள்ள மணிலா எண்ணை உற்பத்தியாளா் கூட்டுறவு சங்கத்தை திறக்க நடவடிக்கை எடுக்கவேண்டும். குறிப்பிட்ட இடங்களில் நெல் விவசாயிகளுக்கு நேரடிநெல் கொள்முதல் நிலையங்களை காலம் தாழ்த்தாமல் உடனடியாக திறக்கவேண்டும். போளூா் அருகேயுள்ள தரணி சா்க்கரை ஆலையை திறக்க நடவடிக்கை எடுக்கவேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.