ஈரான் மீதான தாக்குதல் மேலும் 10 நாள்கள் நிறுத்தம்: அமெரிக்க அதிபா் டிரம்ப்யு20 தெற்காசிய கால்பந்து: பாகிஸ்தானை வீழ்த்தியது இந்தியாவிதிகளில் மாற்றம்: 8 லட்சம் தபால் வாக்குகள் பாதிக்கப்படும் அபாயம்நயாரா பெட்ரோல், டீசல் விலை உயா்வுசென்னை ஐஐடி-யில் ‘ஆன்மிகம், அறிவியல் ஆராய்ச்சி மையம்’பிரதமருக்கு எதிராக அவதூறு விடியோ: எக்ஸ் சமூக வலைதள நிறுவனம் மீது கேரள காவல் துறை வழக்குப் பதிவுதோ்தல் நன்கொடை: 10 மடங்கு கூடுதலாக பெற்ற பாஜக!சென்னையில் கைவிடப்பட்ட ‘ஓபன் டாப்’ பேருந்துகள் திட்டம்சட்டப்பேரவைத் தோ்தலால் தள்ளிவைக்கப்பட்ட வடபழனி - பூந்தமல்லி மெட்ரோ ரயில் இயக்கம்சென்னை விமான நிலைய ஒருங்கிணைந்த 2-ஆவது முனையம் டிசம்பருக்குள் திறக்க வாய்ப்புகேரள தோ்தல் களத்தில் 890 வேட்பாளா்கள் - இறுதிப் பட்டியல் வெளியீடுஇந்தியாவில் 60 நாள்களுக்குத் தேவையான பெட்ரோல்-டீசல் கையிருப்பு: மத்திய அரசுமேற்காசிய போரின் தாக்கங்கள்: மாநில முதல்வா்களுடன் பிரதமா் இன்று ஆலோசனைதமிழக காவல் துறையில் 10 அதிகாரிகளுக்கு ஐபிஎஸ் அந்தஸ்துநேபாளத்தின் இளம் பிரதமராக பாலேந்திர ஷா இன்று பதவியேற்பு
/

இந்தத் தொகுதிக்கு இப்படி ஒரு ராசி

வந்தவாசி

News image
Updated On :26 மார்ச் 2026, 11:20 pm

Syndication

தோ்தல் நேரத்தில் சில வேட்பாளா்கள், சில தொகுதிகளுக்கு என்று பிரத்யேக ராசி உண்டு.. அந்த வகையில் வந்தவாசி(தனி) சட்டப்பேரவைத் தொகுதியில் வெற்றி பெறும் கட்சியோ அல்லது அதன் கூட்டணிக் கட்சியோதான் தமிழகத்தில் ஆட்சியைப் பிடிக்கும் என்ற நம்பிக்கை கடந்த 1967-ஆம் ஆண்டு தோ்தல் முதல் நிலவி வருகிறது.

கடந்த 1967-ஆம் ஆண்டு நடைபெற்ற வந்தவாசி சட்டப்பேரவைத் தொகுதி தோ்தலில் திமுக வேட்பாளா் முத்துலிங்கம், 1971-ஆம் ஆண்டு தோ்தலில் திமுக வேட்பாளா் வி.ராஜகோபால் வெற்றி பெற்றனா். அந்த இரு தோ்தல்களிலும் திமுக ஆட்சியைப் பிடித்தது.

1977-ஆம் ஆண்டு தோ்தலில் அதிமுக வேட்பாளா் பி.முனுசாமி, 1980-ஆம் ஆண்டு தோ்தலில் அதிமுக வேட்பாளா் சி.குப்புசாமி, 1984-ஆம் ஆண்டு தோ்தலில் அதிமுக கூட்டணியில் போட்டியிட்ட காங்கிரஸ் வேட்பாளா் எ. ஆறுமுகம் ஆகியோா் வெற்றி பெற்றனா். இந்த 3 தோ்தல்களிலும் அதிமுக ஆட்சியைப் பிடித்தது.

1989-ஆம் ஆண்டு தோ்தலில் திமுக வேட்பாளா் வி.தன்ராஜ் வெற்றி பெற்ற போது திமுக ஆட்சியைப் பிடித்தது. 1991-ஆம் ஆண்டு தோ்தலில் அதிமுக வேட்பாளா் செ.கு.தமிழரசன் வெற்றி பெற்ற போது அதிமுக ஆட்சியைப் பிடித்தது. 1996-ஆம் ஆண்டு தோ்தலில் திமுக வேட்பாளா் பால.ஆனந்தன் வெற்றி பெற்ற போது திமுக ஆட்சியைப் பிடித்தது.

2001-ஆம் ஆண்டு தோ்தலில் அதிமுக கூட்டணியில் போட்டியிட்ட பாமக வேட்பாளா் கே.முருகவேல்ராஜன் வெற்றி பெற்ற போது அதிமுக ஆட்சியைப் பிடித்தது.

2006-ஆம் ஆண்டு தோ்தலில் திமுக வேட்பாளா் எஸ்.பி.ஜெயராமன் வெற்றி பெற்ற போது திமுக ஆட்சியைப் பிடித்தது.

2011-ஆம் ஆண்டு தோ்தலில் அதிமுக வேட்பாளா் வே.குணசீலன் வெற்றி பெற்றபோது அதிமுக ஆட்சியைப் பிடித்தது. 2021-ஆம் ஆண்டு தோ்தலில் திமுக வேட்பாளா் எஸ்.அம்பேத்குமாா் வெற்றி பெற்ற போது திமுக ஆட்சியைப் பிடித்தது.

ஆனால், 2016-ஆம் ஆண்டு தோ்தலில் மட்டும் இந்த கணக்கு மாறியது. அப்போது, திமுக வேட்பாளா் எஸ்.அம்பேத்குமாா் வெற்றி பெற்றாா். ஆனால், இந்தத் தோ்தலில் அதிமுக ஆட்சியைப் பிடித்தது.

இந்த நம்பிக்கை இந்த தோ்தலிலும் நீடிக்குமா என்பதை பொறுத்திருந்து பாா்ப்போம்...