பெண் தொழிலாளி தூக்கிட்டு தற்கொலை: போலீஸாா் விசாரணை
செய்யாறு அருகே பெண் ஒருவா் உடன் வேலை செய்யும் பெண் வீட்டில் புதன்கிழமை தூக்கிட்டு தற்கொலை செய்து கொண்டது குறித்து போலீஸாா் வழக்குப் பதிந்து விசாரணை நடத்தி வருகின்றனா்.

செய்யாறு அருகே பெண் ஒருவா் உடன் வேலை செய்யும் பெண் வீட்டில் புதன்கிழமை தூக்கிட்டு தற்கொலை செய்து கொண்டது குறித்து போலீஸாா் வழக்குப் பதிந்து விசாரணை நடத்தி வருகின்றனா்.
திருவண்ணமலை மாவட்டம், செய்யாறு வட்டம், எருமைவெட்டி கிராமத்தைச் சோ்ந்தவா் எம்.அண்ணாதுரை மனைவி அமுதா(36). இவா் செய்யாறு சிப்காட்டில் உள்ள தனியாா் காலணி தொழிற்சாலையில் தொழிலாளியாக வேலை செய்து வந்தாா். இந்நிலையில், அமுதா புதன்கிழமை உடன் வேலை செய்யும் சித்தாத்தூா் கிராமம் காலனியைச் சோ்ந்த சரளா என்பவா் வீட்டிற்குச் சென்ாகத் தெரிகிறது.
அப்போது அந்த வீட்டில் அமுதா தூக்கிட்டு இறந்ததாக, சக தொழிலாளி சரளா மற்றும் அவரது கணவா் கேசவன், இறந்த
அமுதாவின் கணவருக்கு தொலைபேசியில் தகவல் தெரிவித்துள்ளனா்.
அதன் பேரில் அமுதாவின் கணவா் எம்.அண்ணாதுரை தூசி போலீஸில் புகாா் அளித்தாா். காவல் உதவி ஆய்வாளா் பழனிவேல் வியாழக்கிழமை வழக்குப் பதிவு செய்தாா். மேலும் அமுதாவின் சடலத்தைக் கைப்பற்றி, உடல்கூறாய்வுக்காக காஞ்சிபுரம் அரசு மருத்துவமனைக்கு அனுப்பி வைத்து போலீஸாா் தீவிர விசாரணை மேற்கொண்டுள்ளனா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

