இலவச வீட்டுமனை கோரி இந்திய கம்யூனிஸ்ட் ஆர்ப்பாட்டம்

இலவச வீட்டுமனை கோரி இந்திய கம்யூனிஸ்ட் கட்சி மற்றும் ஏஐடியுசி தொழிற்சங்கம் சார்பில் ஆம்பூர் வருவாய்த் துறை கிராம சாவடி எதிரே வியாழக்கிழமை ஆர்ப்பாட்டம் நடைபெற்றது.
ஆம்பூரில் கடந்த 2010-ஆம் ஆண்டு இலவச வீட்டுமனை கோரி 388 பேர் மனு அளித்தனர். ஆனால், அந்த மனுக்கள் மீது இதுவரை எவ்வித நடவடிக்கையும் எடுக்காததைக் கண்டித்து இந்த ஆர்ப்பாட்டம் நடைபெற்றது. 
ஆர்ப்பாட்டத்துக்கு, கட்சியின் மாவட்ட துணைச் செயலாளர் எஸ்.ஆர். தேவதாஸ் தலைமை வகித்தார். ஏஐடியூசி மாநிலப் பொதுச் செயலாளர் 
டி.எம். மூர்த்தி ஆர்ப்பாட்டத்தைத் தொடங்கி வைத்து சிறப்புரையாற்றினார். நகரத் துணைச் செயலாளர் கே.எஸ். ஹசேன், நிர்வாகிகள் ராஜ்குமார், கர்ணன்,  துர்காதேவி, அக்பர் உள்ளிட்டோர் கலந்து கொண்டனர். துணைச் செயலாளர் எம்.பாரூக் நன்றி கூறினார்.