பூட்டிய வீட்டில் நகை, பணம் திருட்டு

குடியாத்தம் அருகே பூட்டிய வீட்டின் கதவை உடைத்து இரண்டரை சவரன் தங்க நகைகள், ரூ. 30 ஆயிரம் ரொக்கத்தை மர்ம நபர்கள் திருடிச் சென்றனர். 
குடியாத்தம் கஸ்பா, சக்தி நகரைச் சேர்ந்தவர் செல்லையா. தனியார் நிறுவன ஊழியரான இவர் வீட்டை பூட்டி விட்டு வெளியூர் சென்றிருந்தாராம். வியாழக்கிழமை வீடு திரும்பியபோது, வீட்டின் பூட்டு உடைக்கப்பட்டிருந்ததைப் பார்த்து அதிர்ச்சியடைந்தார். உள்ளே அறையில் இருந்த இரண்டரை சவரன் தங்க நகைகள், ரூ. 30 ஆயிரம் ரொக்கம் ஆகியவற்றை மர்ம நபர்கள் திருடிச் சென்றது தெரியவந்தது. இதுகுறித்த புகாரின்பேரில் குடியாத்தம் நகர போலீஸார் வழக்குப் பதிந்து விசாரித்து வருகின்றனர்.