நெற் பயிரை நாசம் செய்த ஒற்றை யானை

பேர்ணாம்பட்டு அருகே கிராம எல்லைக்குள் நுழைந்த ஒற்றை யானை அங்கு பயிரிடப்பட்டுள்ள சுமார் 2 ஏக்கர் நெற் பயிர்களை நாசம் செய்தது.
பேர்ணாம்பட்டை அடுத்த முத்துக்கூர், பாத்தபாளையம் கிராமங்கள் வன எல்லையில் அமைந்துள்ளது. புதன்கிழமை இரவு அங்கு வந்த ஒற்றை யானை, சீனிவாசன், சின்னசாமி ஆகியோரின் 2 ஏக்கர் நிலங்களில் பயிரிடப்பட்டுள்ள நெற் பயிர்களை நாசம் செய்துள்ளது.
தகவலின்பேரில் பேர்ணாம்பட்டு வனச்சரக அலுவலர் மூர்த்தி, வனவர்கள் ரவீந்திரன், ரகுபதி ஆகியோர் தலைமையில் வந்த வனத் துறையினர் கிராம மக்கள் உதவியுடன் மேளம் அடித்து, பட்டாசு வெடித்து யானையை வனப்பகுதிக்கு விரட்டினர்.