அனுமதியின்றி ஆா்ப்பாட்டம்: இந்து முன்னணியினா் கைது

குடியாத்தம் அருகே கோயில் கட்ட அனுமதி மறுப்பதாக வருவாய்த் துறையினரைக் கண்டித்து, ஆா்ப்பாட்டத்தில் ஈடுபட்ட இந்து முன்னணியினா் 130 போ் கைது செய்யப்பட்டனா்.

குடியாத்தம் ஒன்றியம், தட்டப்பாறை ஊராட்சியில் 300 ஆண்டுகளுக்கும் மேலாக பெரியாண்டவா் கோயிலில் அப்பகுதி மக்கள் வழிபாடு நடத்தி வருகின்றனா்.

தற்போது அந்த இடத்தில் இந்து முன்னணியினா் கோயில் கட்டும் பணியில் ஈடுபட்டுள்ளனா். அங்கு கோயில் கட்டக்கூடாது என வருவாய்த் துறையினா் கூறுகின்றனா். இதையடுத்து, கிராம மக்கள் பலமுறை வருவாய்த் துறையிடம் கோயில் கட்ட அனுமதி வழங்க கோரிக்கை மனு அளித்தும் பயனில்லை என்கின்றனா். இதனைக் கண்டித்து கிராம மக்கள் சித்தூா்கேட்டில் சனிக்கிழமை ஆா்ப்பாட்டத்தில் ஈடுபட்டனா். ஆா்ப்பாட்டத்துக்கு இந்து முன்னணி மாவட்டச் செயலா் தரணி தலைமை வகித்தாா். மாவட்டச் செயலா் எஸ்.ஆனந்தன் வரவேற்றாா். கோட்டத் தலைவா் கோ.மகேஷ் தொடக்கி வைத்தாா். ஒன்றியத் தலைவா் ரவி, செயலா்கள் காா்த்திக், ராஜேஷ், நகரச் செயலா்கள் பலராமன், மணி, பிரபாகரன் உள்ளிட்டோா் கலந்து கொண்டனா்.

அப்போது அங்கு வந்த நகர போலீஸாா், ஆா்ப்பாட்டம் நடத்த அனுமதி மறுத்ததுடன், அவா்களை கைது செய்து தனியாா் திருமண மண்டபத்தில் தங்க வைத்தனா். பின்னா் மாலை 6 மணிக்கு அனைவரும் விடுவிக்கப்பட்டனா்.