காட்பாடி ரயில்வே மேம்பால விவகாரம்: மாவட்ட அதிமு செயலா் உள்பட 6 போ் கைது

காட்பாடி ரயில்வே மேம்பாலத்தை ரிப்பன் வெட்டி திறந்த வேலூா் மாநகா் மாவட்ட அதிமுக செயலா் எஸ்.ஆா்.கே.அப்பு உள்பட 6 போ் கைது செய்யப்பட்டனா். அவா்கள் மீது பிணையில் வெளியே வரமுடியாத இரு பிரிவுகள் உள்பட மொத்தம் 6 பிரிவுகளின் கீழ் வழக்குப் பதிவு செய்யப்பட்டுள்ளது.

காட்பாடி ரயில்வே மேம்பால சீரமைப்புப் பணிகள் நிறைவு பெற்றதையடுத்து, வெள்ளிக்கிழமை இருசக்கர வாகனப் போக்குவரத்துக்கு அனுமதிக்கப்பட்டது. முன்னதாக, காட்பாடி ரயில்வே மேம்பாலத்தில் போக்குவரத்து அனுமதிக்கப்படுவதை அறிந்த வேலூா் மாநகா் மாவட்ட அதிமுக செயலா் எஸ்.ஆா்.கே.அப்பு தலைமையிலான அதிமுகவினா் திரண்டு வந்து பாலத்தை ரிப்பன் வெட்டி திறந்தனா்.

ரயில்வே மேம்பாலப் பணிகளை முழுமையாக மேற்கொள்ளாமல் பாலத்தைத் தற்காலிகமாக திறந்ததாகவும், இதனால் போக்குவரத்து பாதிப்பு நிலவி வருவதாகவும், இதற்கு எதிா்ப்புத் தெரிவிக்கும் விதமாகவே ரயில்வே மேம்பாலத்தை ரிப்பன் வெட்டி திறந்து போராட்டத்தில் ஈடுபடுவதாகவும் எஸ்.ஆா்.கே.அப்பு தெரிவித்தாா்.

தகவலறிந்த மாநகராட்சி துணை மேயா் எம்.சுனில்குமாா், மண்டலக் குழு தலைவா் புஷ்பலதா, திமுக பகுதி செயலா் வன்னியராஜ், நிா்வாகி வேல்முருகன் உள்ளிட்ட திமுக நிா்வாகிகள் அங்கு சென்று அதிமுகவினருடன் வாக்குவாதத்தில் ஈடுபட்டனா். போலீஸாா் இரு தரப்பினரையும் அங்கிருந்து அப்புறப்படுத்தினா்.

இதுதொடா்பாக, தாராபடவேடு கிராம நிா்வாக அலுவலா் பவித்ரா அளித்த புகாரின்பேரில், காட்பாடி போலீஸாா், அதிமுக மாவட்டச் செயலா் எஸ்.ஆா்.கே.அப்பு, பகுதி செயலா் ஜனாா்த்தனன் உள்பட 6 போ் மீது அனுமதியின்றி நுழைதல், அரசு அதிகாரிகளைப் பணி செய்யவிடாமல் தடுத்தல், அச்சுறுத்துதல், அசம்பாவிதங்கள் ஏற்படும் விதமான செயல்களில் ஈடுபடுதல் என பிணையில் வெளியே வரமுடியாத இரு பிரிவுகள் உள்பட மொத்தம் 6 பிரிவுகளின் கீழ் வழக்குப் பதிவு செய்து வெள்ளிக்கிழமை மாலை கைது செய்தனா்.

இதையொட்டி, எஸ்.ஆா்.கே.அப்பு வீட்டின் முன்பு போலீஸாா் குவிக்கப்பட்டனா். இதையடுத்து, முன்னாள் அமைச்சரும், திருப்பத்தூா் மாவட்ட அதிமுக செயலருமான கே.சி.வீரமணி உள்பட அதிமுக நிா்வாகிகள் காட்பாடி செங்குட்டையிலுள்ள அப்புவின் வீட்டின் முன்பு திரண்டனா். கைது நடவடிக்கைக்கு எதிா்ப்புத் தெரிவித்து அவா்கள் காட்பாடி காவல் நிலையம் முன்பு சுமாா் அரை மணி நேரம் மறியலில் ஈடுபட்டனா். இதனால், போக்குவரத்து பாதிக்கப்பட்டது.