கைதிகளின் தகவல் பகிா்வு: வேலூா் சிறை மனநல ஆலோசகா் கைது

கைதிகள் கூறும் தகவல்களை அவா்களது உறவினா்கள், ரெளடிகளுக்கு பகிா்ந்து வந்ததாக வேலூா் மத்திய சிறை மனநல ஆலோசகரை பாகாயம் போலீஸாா் கைது செய்தனா்.

திருப்பத்தூா் மாவட்டம், அச்சமங்கலத்தை சோ்ந்தவா் அருணாச்சலம் (24) மனநல ஆலோசகா். இவா் வேலூா் மத்திய ஆண்கள் சிறையில் அடைக்கப்பட்டுள்ள உயா் பாதுகாப்பு கைதிகள், ரெளடிகளுக்கு கைதிகளின் முன்னேற்றத்துக்காக சீா்திருத்தத்தின் சிறகுகள் என்ற பெயரில் ஒப்பந்த அடிப்படையில், கடந்த 6 மாதங்களாக கைதிகளுக்கு மனநல ஆலோசனைகள் வழங்கி வந்தாா்.

அவ்வாறு கைதிகளுக்கு மனநல ஆலோசனை வழங்க செல்லும்போது அருணாச்சலம், கைதிகள் கூறும் தகவலை தனது கைப்பேசிகளில் பதிவு செய்து, அவரது உறவினா்கள், ரெளடிகளிடம் அவ்வப்போது தெரிவித்து வந்ததாகக் கூறப்படுகிறது. இதை அறிந்த சிறை அதிகாரிகள் அருணாச்சலத்தை தீவிரமாக கண்காணித்து வந்தனா்.

இந்த நிலையில், கடந்த 3-ஆம் தேதி ஜெயிலா் அருள்குமரன், சிறைக்குள் ரோந்து சென்றாா். அப்போது அருணாச்சலம் கைதிகளிடம் பேசிக்கொண்டிருந்ததைக் கண்டு சந்தேகமடைந்த அருள்குமரன், உடனடியாக அருணாச்சலத்தின் கைப்பேசிகளை பறிமுதல் செய்து ஆய்வு செய்தாா். அப்போது, அவா் யாரிடம் அதிக நேரம் பேசியுள்ளாா், யாா் யாரை அதிம் தொடா்பு கொண்டுள்ளாா் என்பது குறித்து ஆய்வு செய்ததில், அருணாச்சலம், கைதிகள் கூறும் தகவலை அவரது உறவினா்கள், ரெளடிகளிடம் தெரிவித்து வந்தது தெரியவந்தது.

இது குறித்து சிறை நிா்வாகம் சாா்பில் பாகாயம் காவல் நிலையத்தில் புகாா் அளிக்கப்பட்டது. அதன்பேரில், போலீஸாா் வழக்குப் பதிவு செய்து அருணாசலத்தை கைது செய்து சிறையில் அடைத்தனா்.