அரசுப்பேருந்தில் உறங்கிய நிலையில் இறந்த பயணி!

வேலூா் புதிய பேருந்து நிலையத்துக்கு வந்த அரசு பேருந்தில் பயணித்த தொழிலாளி உறங்கிய நிலையில் உயிரிழந்தாா்.

காஞ்சிபுரம் மாவட்டம், மோசூரை சோ்ந்தவா் சிவா என்கிற விஜயராகவன்(43), கோவையில் எம்ப்ராயிடிங் வேலை செய்து வந்தாா். இவா் திங்கள்கிழை இரவு சேலத்தில் இருந்து வேலூருக்கு அரசுப் பேருந்தில் பயணம் செய்தாா். செவ்வாய்க்கிழமை அதிகாலை அந்த பேருந்து வேலூா் புதிய பேருந்து நிலையம் வந்தடைந்தது.

அப்போது பயணிகள் அனைவரும் இறங்கிவிட்ட நிலையில், சிவா இருக்கையில் உறங்கிய நிலையில் இருந்தாா். பேருந்து நடத்துனா் அவா் அருகில் சென்று எழுப்ப முயன்றபோது சிவா சரிந்து கீழே விழுந்துள்ளாா். உடனடியாக 108 ஆம்புலன்ஸ் ஊழியா்கள் வரவழைக்கப்பட்டு பரிசோதித்ததில் சிவா ஏற்கனவே இறந்துவிட்டது தெரிய வந்தது. வேலூா் வடக்கு போலீஸாா் சடலத்தை மீட்டு அடுக்கம்பாறை அரசு மருத்துவமனைக்கு அனுப்பி வைத்தனா்.

இதுகுறித்து போலீஸாா் கூறுகையில், இறந்த சிவாவுக்கு ஏற்கனவே இருமுறை மாரடைப்பு வந்துள்ளது. அவருக்கு உயா் ரத்த அழுத்தம், நீரிழிவு நோய் இருந்துள்ளது. எனினும், பிரேத பரிசோதனை அறிக்கை வந்த பிறகே இறப்புக்கான காரணம் தெரியவரும் என்றனா்.