காங்கிரஸ் வேட்பாளர் பிரசாரம்

சத்தியமங்கலம், அக். 8: சத்தியமங்கலம் நகர்மன்றத் தலைவருக்கான காங்கிரஸ் வேட்பாளர் பிஎம்எம் சுந்தர் தீவிரப் பிரசாரம் மேற்கொண்டுள்ளார்.

 ÷பி.எம்.எம். சுந்தர் சனிக்கிழமை தனது ஆதரவாளர்களுடன் வீதி, வீதியாக வாக்குச் சேகரித்தார். கோட்டூவீராம்பாளையத்தில் நெசவாளர்கள் அதிகம் வசிக்கும் 19 மற்றும் 20-வது வார்டு கைக்கோளர் வீதி, பழைய தபால் ஆபிஸ் வீதி, முனியப்பன் கோயில் வீதி மற்றும் பிள்ளையார் கோயில் வீதிகளுக்குச் சென்றார். அங்குள்ள வாக்காளர்களிடம் நெசவாளர்களின் பிரச்னைகளுக்கு தீர்வு காண்பதாக வாக்குறுதி அளித்தார். ÷தனது செல்போன் எண்ணை அனைவருக்கும் கொடுத்து 24 மணி நேரமும் மக்கள் பிரச்னைக்காக பாடுபடப் போவதாகவும் தெரிவித்தார்.

 ÷நகராட்சி வணிக வளாகம், திருமண மண்டபம் மற்றும் தங்கும் விடுதி கட்டித் தரப்படும். சத்தி நகராட்சியை முறைகேடில்லாத நகராட்சியாக மாற்றுவதாகவும் வாக்குறுதியளித்துள்ளார். அவரது மனைவியும் பிரபல பெண் மருத்துவருமான விஜயாவும் தனது கணவருக்கு ஆதரவாக மக்களிடம் வாக்கு சேகரித்து வருகிறார்.