கேபிஆர் பொறியியல் கல்லூரி புரிந்துணர்வு ஒப்பந்தம்

சூலூர் அருகேயுள்ள கே.பி.ஆர். பொறியியல் மற்றும் தொழில்நுட்பக் கல்லூரி சார்பில் கோவை கிரீணோடெக் சொல்யூஷன், சென்னையைச் சேர்ந்த டேட்டா டாட்ஸ் டெக்னாலஜிஸ் சொல்யூஷன்ஸ் நிறுவனங்களுடன் புரிந்துணர்வு ஒப்பந்தம் மேற்கொள்ளப்பட்டது.

 கல்லூரியில் நடைபெற்ற இதற்கான விழாவிற்கு கல்லூரி முதல்வர் கே.பொம்மண்ண ராஜா தலைமை வகித்தார். கணினி அறிவியல் துறைத் தலைவர் என்.யுவராஜா வரவேற்றார். கல்லூரியின் மனிதவள மேப்பாட்டுத் துறை மேலாளர் பாலாஜி சிறப்பு விருந்தினர்களை அறிமுகப்படுத்தினார்.

இதில், கோவையைச் சேர்ந்த கிரீணோ டெக் சொல்யூஷன் நிறுவனத்தின் நிர்வாக செயல் அதிகாரி எஸ்.பி.செல்வகுமார், மனிதவள மேம்பாட்டுத் துறை மேலாளர் கபிலன் சக்கரவர்த்தி, சென்னை டேட்டா டாட்ஸ் டெக்னாலஜிஸ் நிறுவனத்தின் எஸ்.பி.கெளதம் உள்ளிட்டோர் கே.பி.ஆர். பொறியியல் மற்றும் தொழில்நுட்பக் கல்லூரியுடன் புரிந்துணர்வு ஒப்பந்தத்தில் கையெழுத்திட்டனர்.

இந்த ஒப்பந்தத்தின் மூலமாக மாணவர்கள் நேரடியாக இந்நிறுவனங்களில் பயிற்சி பெற முடியும்.  கணினி அறிவியல் துறைப் பேராசிரியர் சிவராமகிருஷ்ணன் நன்றி கூறினார். இதில், கல்லூரிப் பேராசிரியர்கள், மாணவர்கள் பங்கேற்றனர்.