வீட்டின் பூட்டை உடைத்து 9 பவுன் திருட்டு

மதுக்கரை அருகே வீட்டின் பூட்டை உடைத்து 9 பவுன் நகைகளை திருடிச் சென்ற மர்ம நபர்களை போலீஸார் தேடிவருகின்றனர்.
மதுக்கரை அருகேயுள்ள மலுமிச்சம்பட்டி,  எஸ்.ஐ நகரில் வசிப்பவர் கோமதிநாயகம் (60). இவர், தனது மனைவியுடன் வீட்டைப் பூட்டிவிட்டு சனிக்கிழமை மாலை வெளியே சென்றுள்ளார். பின்னர் இரவு திரும்பியபோது, வீட்டின் பூட்டு உடைக்கப்பட்டிருப்பதைக் கண்டு அதிர்ச்சியடைந்தார். உள்ளே சென்று பார்த்தபோது,  பீரோவில் இருந்த 9 பவுன் நகைகள் திருடப்பட்டிருந்தது தெரியவந்தது. இதுகுறித்து செட்டிபாளையம் போலீஸார் வழக்குப் பதிவு செய்து விசாரிக்கின்றனர்.