காமாட்சி அம்மன் கோயில் கும்பாபிஷேகம்

அன்னூர் அருகே அல்லிக்காரன்பாளையத்தில் விநாயகர், காமாட்சி அம்மன் கோயில் கும்பாபிஷேகம் புதன்கிழமை நடைபெற்றது.
அன்னூர் அருகே உள்ள அல்லிக்காரன்பாளையத்தில் விநாயகர், காமாட்சி அம்மன் கோயில் உள்ளது. இந்த கோயில் கும்பாபிஷேக நிகழ்ச்சி கடந்த 10ஆம் தேதி கணபதி பூஜையுடன் துவங்கியது. 
11ஆம் தேதி இரண்டாம் கால பூஜைகள், மூன்றாம் காலபூஜைகள், மருந்து சாத்துதல், கோபுர கலசங்கள் பொருத்துதல் ஆகிய நிகழ்ச்சிகள் நடைபெற்றன. 12ஆம் தேதி காலை 10.45 மணியளவில் அவினாசி வாகீசர் மடாதிபதி காமாட்சி தாச சுவாமிகள், ஆனைமலை ததேவானந்த சுவாமிகள் தலைமையில் கோபுர கலசங்களுக்கு புனித நீர் ஊற்றப்பட்டு கும்பாபிஷேகம் நடைபெற்றது. தொடர்ந்து மஹா அபிஷேகம், சிறப்பு பூஜைகள், தச தரிசனம் உள்ளிட்ட பூஜைகள் நடைபெற்றன.
இந் நிகழ்சியில் சுற்றுவட்டார பகுதிகளைச் சேர்ந்த ஏராளமான பொதுமக்கள் கலந்து கொண்டனர்.