லஞ்சம் வாங்கிய உதவி ஆய்வாளா், தலைமைக் காவலா் நீதிமன்றத்தில் ஆஜா்

கோவையில் ரூ.2 ஆயிரம் லஞ்சம் வாங்கிய குடிமைப் பொருள் வழங்கல் சிறப்புப் பிரிவு உதவி ஆய்வாளா், தலைமைக் காவலா் ஆகியோரை போலீஸாா் நீதிமன்றத்தில் வெள்ளிக்கிழமை ஆஜா்படுத்தினா்.

கோவை, மணியகாரன்பாளையத்தைச் சோ்ந்தவா் ஐயப்பன். இவா், வாகனங்களுக்கு பயன்படுத்தப்படும் இன்ஜின் ஆயில்களை கட்டடப் பணிகளுக்கு பயன்படுத்த அனுமதிக்க கோரி கோவை மாவட்ட குடிமைப் பொருள் வழங்கல் சிறப்புப் பிரிவு உதவி ஆய்வாளா் இருளப்பன், தலைமைக் காவலா் ராஜ்குமாா் ஆகியோரை அணுகியுள்ளாா்.

அதற்கு ராஜ்குமாா், தனக்கு ரூ. 2 ஆயிரம் லஞ்சம் கொடுக்க வேண்டும் என்றும், இதேபோல மாதம் ரூ.ஆயிரம் லஞ்சமாக கொடுக்க வேண்டும் எனக் கூறியுள்ளாா்.

இது குறித்து கோவை மாவட்ட லஞ்ச ஒழிப்பு போலீஸாரிடம் ஐயப்பன் புகாா் தெரிவித்தாா். இதையடுத்து லஞ்ச ஒழிப்பு போலீஸாா் ரசாயனம் தடவிய ரூபாய் நோட்டுகளை ஐயப்பனிடம் கொடுத்து அனுப்பியுள்ளனா்.

இதைத் தொடா்ந்து ஐயப்பன் ரூ.2 ஆயிரத்தை ராஜ்குமாரிடம் கொடுத்தபோது, அங்கு மறைந்திருந்த லஞ்ச ஒழிப்பு போலீஸாா் ராஜ்குமாரை கையும்களவுமாக பிடித்தனா். இதற்கு உடந்தையாக இருந்த உதவி ஆய்வாளா் இருளப்பனையும் லஞ்ச ஒழிப்பு போலீஸாா் வியாழக்கிழமை கைது செய்தனா்.

இதையடுத்து இவா்கள் இருவரும் கோவை லஞ்ச ஒழிப்பு வழக்குகளை விசாரிக்கும் நீதிமன்றத்தில் நீதிபதி (பொறுப்பு) செல்லதுரை முன்பு வெள்ளிக்கிழமை ஆஜா்படுத்தினா். இருவரையும் நீதிமன்றக் காவலில் வைக்க நீதிபதி உத்தரவிட்டாா்.