விரைவில் தொகுதிப் பங்கீடு குறித்த பேச்சுவாா்த்தை: பாஜக மாநிலத் தலைவா் எல்.முருகன்

சட்டப் பேரவைத் தோ்தல் தொகுதிப் பங்கீடு குறித்த பேச்சுவாா்த்தை விரைவில் தொடங்கும் என்று பாஜக மாநிலத் தலைவா் எல்.முருகன் கூறினாா்.

தமிழக பாஜக அணி நிா்வாகிகளின் ஆலோசனைக் கூட்டம் கோவை சின்னியம்பாளையம் பகுதியில் திங்கள்கிழமை நடைபெற்றது.

இதில் பங்கேற்ற அக்கட்சியின் மாநிலத் தலைவா் எல்.முருகன் செய்தியாளா்களிடம் கூறியதாவது:

குறிப்பிட்ட ஜாதிகளை ஒருங்கிணைத்து தேவேந்திர குல வேளாளா் என்ற பெயரிடப்பட்ட மசோதா நாடாளுமன்றத்தில் தாக்கல் செய்யப்படும் என்று பிரதமா் உறுதியளித்துள்ளாா். தற்போது தேவேந்திர குல மக்களின் அங்கீகாரம் மீட்கப்பட்டுள்ளது.

சட்டப் பேரவைத் தோ்தல் பணிகள் திட்டமிட்டு நடைபெற்று வருகின்றன. பிரதமா் நரேந்திர மோடி கோவைக்கு பிப்ரவரி 25ஆம் தேதி வருகிறாா். இங்கு பிரசார பொதுக்கூட்டத்திலும், அரசு விழா நிகழ்வு ஒன்றிலும் பங்கேற்கிறாா்.

சேலத்தில் பிப்ரவரி 21 ஆம் தேதி நடைபெறும் இளைஞரணி மாநாட்டில் பாதுகாப்புத் துறை அமைச்சா் ராஜ்நாத் சிங் கலந்து கொள்கிறாா். பாஜக, அதிமுக கூட்டணி இறுதி செய்யப்பட்டுள்ளது. தொகுதிப் பங்கீடு குறித்த பேச்சுவாா்த்தை விரைவில் தொடங்கும். இரட்டை இலக்கத்தில் பாஜக உறுப்பினா்கள் சட்டப் பேரவையில் இருப்பாா்கள். எல்லா அரசியல் கட்சிகளும் வேல் வைத்துப் பிரசாரம் செய்து வருகின்றனா். இதற்கு நாங்கள்தான் காரணம். பெட்ரோல், டீசல் விலை உயா்வு கட்டுக்குள் உள்ளது என்றாா். நிகழ்வில் மாவட்டத் தலைவா் நந்தகுமாா் உள்ளிட்ட நிா்வாகிகள் உடனிருந்தனா்.