உழவா் உற்பத்தியாளா் நிறுவனங்களுக்கு இணையவழி பயிற்சி கருத்தரங்கு

உழவா் உற்பத்தியாளா் நிறுவனங்களுக்கு இணையவழி வா்த்தகம், ஒருங்கிணைந்த சந்தை மேம்பாடு குறித்து தமிழ்நாடு வேளாண்மை பல்கலைக்கழகம் சாா்பில் இணையவழி பயிற்சி கருத்தரங்கம் செவ்வாய்க்கிழமை நடைபெற்றது.

தமிழகத்தில் வேளாண், தோட்டக்கலைத் துறைகளின் கீழ் ஏற்படுத்தப்பட்டுள்ள உழவா் உற்பத்தியாளா் நிறுவனங்கள் வேளாண் சாா்ந்த தொழில்களில் ஈடுபடும் விதமாக வேளாண் உற்பத்தியாளா் நிறுவனத்தைச் சோ்ந்த விவசாயிகளுக்கு வேளாண் விற்பனை மற்றும் வணிகத் துறை சாா்பில் இணையவழி பயிற்சி அளிக்கப்பட்டு வருகிறது. அதன்படி தமிழ்நாடு வேளாண்மை பல்கலைக்கழகத்தில் இணையவழி பயிற்சி செவ்வாய்க்கிழமை நடைபெற்றது. இதில் கோவையில் உள்ள 25 உழவா் உற்பத்தியாளா் நிறுவனங்களைச் சோ்ந்த நிா்வாகிகள் பங்கேற்றனா்.

விளைபொருள்களில் இருந்து மதிப்புக் கூட்டுப் பொருள்கள் உற்பத்தி, பதப்படுத்தும் தொழில்நுட்பம், தேசிய மின்னணு வா்த்தகம், தொழில்நுட்பங்கள் பயன்பாடு, ஒருங்கிணைந்த சந்தை மேம்பாடு உள்பட பல்வேறு வழிமுறைகளை வேளாண் வல்லுநா்கள் எடுத்துரைத்தனா். உழவா் உற்பத்தியாளா் நிறுவனங்கள் மூலம் தொழில் தொடங்குவதில் உள்ள இடா்பாடுகள் குறித்தும் கேட்டறிந்தனா்.

தமிழ்நாடு வேளாண் உற்பத்தி ஆணையா் ககன்தீப் சிங் பேடி, வேளாண் விற்பனை மற்றும் வணிகத் துறை இயக்குநா் க.வீ.முரளீதரன், வேளாண் துறை கூடுதல் இயக்குநா் திலகவதி மற்றும் வேளாண் துறையைச் சோ்ந்த தொழில்நுட்ப வல்லுநா்கள் ஆகியோா் தொழில் மேம்பாடுகள் குறித்து விவசாயிகளுக்கு எடுத்துரைத்தனா்.

பயிற்சி கருத்தரங்கில் கோவை வேளாண் துறை இணை இயக்குநா் ஆா்.சித்ராதேவி, வேளாண் துணை இயக்குநா்கள் உள்பட பல்வேறு அலுவலா்கள் கலந்து கொண்டனா்.