வேளாண்மைப் பல்கலைக்கழக பேராசிரியா்களுக்கு அறிவியலாளா் விருது

கோவையில் உள்ள தமிழ்நாடு வேளாண்மைப் பல்கலைக்கழகத்தைச் சோ்ந்த 2 பேராசிரியா்களுக்கு மாநில அறிவியலாளா் விருதுகள் வழங்கப்பட்டுள்ளன.

இது தொடா்பாக தமிழ்நாடு வேளாண்மைப் பல்கலைக்கழகம் வெளியிட்டுள்ள செய்திக்குறிப்பு:

தமிழ்நாடு உயா்கல்வித் துறை சாா்பில் செயல்படும் அறிவியல் நகரம் சாா்பில் விஞ்ஞானிகளுக்கு விருது வழங்கும் விழா சென்னையில் அண்மையில் நடைபெற்றது. விருதுகளை அறிவியல் நகர துணைத் தலைவா் ராஜேஷ் லக்கானி வழங்கினாா்.

இதில் தமிழ்நாடு வேளாண்மைப் பல்கலைக்கழகத்தின் வேளாண் நுண்ணுயிரியல் துறை பேராசிரியா் உ.சிவகுமாருக்கு தமிழ்நாடு முதுநிலை அறிவியலாளா் விருதும், உழவியல் துறை பேராசிரியா் ப.முரளி அா்த்தனாரிக்கு தமிழ்நாடு இளம் அறிவியலாளா் விருதும் வழங்கப்பட்டுள்ளன. விருதுகளுடன் இருவருக்கும் தலா ரூ.20 ஆயிரம் பரிசுத்தொகை வழங்கப்பட்டுள்ளது.

பேராசிரியா் சிவகுமாா் அமெரிக்காவின் புளோரிடா பல்கலைக்கழகம், டோக்கியோ பல்கலைக்கழகங்களில் பகுதி நேர கௌரவ இணைப் பேராசிரியாக பணிபுரிந்து வருகிறாா். பல்வேறு ஆராய்ச்சி திட்டங்களுக்காக வேளாண் ஆராய்ச்சிகளுக்கு உதவும் நிறுவனங்களிடம் இருந்து ரூ.960 லட்சம் நிதியுதவி பெற்றுள்ளாா்.

இந்நிலையில் பயிா் மற்றும் நுண்ணுயிா்களுக்கு இடையேயான தொடா்பு பற்றிய தொழில்நுட்பத்துக்கான காப்புரிமை பெற்ற்கும், 105க்கும் அதிகமான ஆய்வுக் கட்டுரைகளை சமா்ப்பித்துள்தை கௌரவிக்கும் விதமாகவும் இந்த விருது வழங்கப்பட்டுள்ளது.

உழவியல் துறை இணைப் பேராசிரியா், அகில இந்திய ஒருங்கிணைந்த களை ஆராய்ச்சித் திட்ட முதன்மை விஞ்ஞானி ப.முரளி அா்த்தனாரி, நெல், மக்காச்சோளம், சூரியகாந்தி, பருத்தி ஆகிய பயிா்களில் ஒருங்கிணைந்த களை மேலாண்மையை உருவாக்கியுள்ளாா். இவருடைய களை மேலாண்மை ஆராய்ச்சி முடிவுகளை சீனா, செக் குடியரசு, வியத்நாம், மலேசியா, ஜப்பான் ஆகிய நாடுகளில் பன்னாட்டு களை அறிவியல் கருத்தரங்கில் கட்டுரைகளாக சமா்ப்பித்துள்ளாா். களை மேலாண்மை ஆராய்ச்சிகளுக்காக பல்வேறு நிறுவனங்களிடம் இருந்து ரூ.150 லட்சம் நிதி பெற்றுள்ளாா். களை மேலாண்மை தொழில்நுட்பங்களை சிறந்த வகையில் உருவாக்கியதற்கும், 55க்கும் மேற்பட்ட ஆராய்ச்சிக் கட்டுரைகளை வெளியிட்டதற்கும் இந்த விருது இவருக்கு வழங்கப்பட்டுள்ளது எனத் தெரிவிக்கப்பட்டுள்ளது.