பெண்கள் குறித்து சா்ச்சைக் கருத்து: ஆ.ராசா, திண்டுக்கல் லியோனி உருவ பொம்மைகளை எரித்து பாஜக, அதிமுகவினா் ஆா்ப்பாட்டம்

பெண்கள் குறித்து அவதூறாக பேசிய திமுக துணைப் பொதுச்செயலாளா் ஆ.ராசா, பட்டிமன்றப் பேச்சாளா் திண்டுக்கல் லியோனி ஆகியோரது உருவ பொம்மைகளை எரித்து பாஜக, அதிமுக மகளிரணியினா் ஞாயிற்றுக்கிழமை ஆா்ப்பாட்டத்தில் ஈடுபட்டனா்.

ஆா்ப்பாட்டத்துக்கு, பாஜக தெற்குத் தொகுதி வேட்பாளரும், அக்கட்சியின் மகளிரணி தேசியத் தலைவருமான வானதி சீனிவாசன் தலைமை வகித்தாா். இதில் ஆ.ராசா மற்றும் திண்டுக்கல் லியோனிக்கு எதிராக கோஷங்கள் எழுப்பப்பட்டன. மேலும், ஆா்ப்பாட்டத்தின் ஒரு பகுதியாக இருவரது உருவ பொம்மைகள் தீயிட்டுக் கொளுத்தப்பட்டன.

மேட்டுப்பாளையத்தில்...

மேட்டுப்பாளையத்தில் அதிமுக சாா்பில் நடைபெற்ற ஆா்ப்பாட்டத்துக்கு, ஓ.கே.சின்னராஜ் எம்.எல்.ஏ. தலைமை வகித்தாா். நகரச் செயலாளா் வான்மதி சேட், மாவட்டஅம்மா பேரவை செயலாளா் நாசா் ஆகியோா் முன்னிலை வகித்தனா்.

ஆா்ப்பாட்டத்தில் மாவட்டப் பொருளாளா் பொன்னுசாமி, காரமடை ஒன்றியத் தலைவா் மணிமேகலை மகேந்திரன், ஒன்றியச் செயலாளா்கள் ஜீவானந்தம், எம்.எஸ்.ராஜ்குமாா் உள்பட பலா் கலந்து கொண்டனா்.