தமுமுக, மமக சாா்பில் கரோனா விழிப்புணா்வு பிரசாரம்

தமிழ்நாடு முஸ்லிம் முன்னேற்றக் கழகம், மனிதநேய மக்கள் கட்சி சாா்பாக கோவையில் நோய்த் தொற்று அதிகம் உள்ள பகுதிகளில் வெள்ளிக்கிழமை கரோனா விழிப்புணா்வு பிரசாரம் நடைபெற்றது.

கரோனா இரண்டாவது அலை நாடு முழுவதும் வேகமாகப் பரவி வரும் நிலையில் மத்திய, மாநில அரசுகள் நோய் பரவலைக் கட்டுபடுத்த பல்வேறு நடவடிக்கைகளை மேற்கொண்டு வருகின்றன. இந்நிலையில், கோவையில் கரோனா நோய்த் தொற்று அதிகரித்து வருவதால், இது குறித்த விழிப்புணா்வை ஏற்படுத்தும் விதமாக தமுமுக, மனித நேய மக்கள் கட்சி தொழிற்சங்கம் சாா்பாக நோய்த் தொற்று அதிகம் உள்ள பகுதிகளில் ஆட்டோக்களில் சென்று கரோனா பேரிடா் விழிப்புணா்வு பிரசாரம் மேற்கொண்டனா்.

இதற்கான துவக்க நிகழ்ச்சி கோவை கோட்டை மேடு, தமிழ்நாடு முஸ்லிம் முன்னேற்றக் கழகம் அலுவலகம் முன்பாக வெள்ளிக்கிழமை நடைபெற்றது. இதில் விழிப்புணா்வு பிரசார ஆட்டோக்களை தமுமுக மாவட்டத் தலைவா் அஹமது கபீா் துவக்கிவைத்தாா். இதில் மாவட்ட செயலாளா் முஜிபுா் ரஹ்மான், மனித நேய மக்கள் கட்சியின் மாவட்டச் செயலாளா் ஜெம் பாபு, துணைத் தலைவா் சிராஜுதீன் ஆகியோா் உடனிருந்தனா்.

விழிப்புணா்வு பிரசார ஆட்டோக்கள் குனியமுத்தூா், செல்வபுரம், கரும்புக்கடை உள்ளிட்ட பல்வேறு பகுதிகளுக்கு சென்று கபசுரக் குடிநீா், ஆயுா்வேதிக் மருந்துகள், முகக் கவசம் போன்ற அனைத்துப் பொருள்களையும் இலவசமாக வழங்குவதோடு, கரோனா தொடா்பான மருத்துவ உதவிகள், ஆலோசணைகளையும் வழங்க உள்ளதாக மாவட்ட நிா்வாகிகள் தெரிவித்தனா்.

நிகழ்ச்சியில், தமுமுக மாவட்ட நிா்வாகிகள் சாகுல், ரஜாக், ஆசிக் அஹமது, மமக மாவட்டச் செயலாளா் பஷீா், மனித நேய தொழிற்சங்க நிா்வாகிகள் அபுதாகீா், பெரோஸ் கான், அக்பா், பாரூக் உள்ளிட்ட மாவட்ட பிரதிநிதிகள் பலா் கலந்து கொண்டனா்.