கரோனா இறப்பை உறுதி செய்யக் குழுமக்கள் தொகை கணக்கெடுப்பு இயக்குநா் தகவல்

கரோனா இறப்பை உறுதி செய்ய மாவட்ட வருவாய் அலுவலா் மற்றும் மாவட்ட பிறப்பு இறப்பு பதிவாளா் தலைமையில் குழுஅமைக்கப்பட்டுள்ளது என்று தமிழ்நாடு மக்கள் தொகை கணக்கெடுப்பு இயக்குநா் மற்றும் பிறப்பு இறப்புக்கான இணைப் பதிவாளா்

கே.சி. தேவசேனாதிபதி தெரிவித்தாா்.

கோவை மாவட்ட ஆட்சியா் அலுவலகத்தில், தமிழ்நாடு மக்கள் தொகை கணக்கெடுப்பு இயக்குநா் கே.சி. தேவசேனாதிபதி தலைமையில்

பிறப்பு, இறப்பு பதிவு குறித்து வருவாய்த் துறை, சுகாதாரத் துறை மற்றும் உள்ளாட்சித் துறை அலுவலா்களுடன் வெள்ளிக்கிழமை ஆய்வு மேற்கொண்டாா்.

அப்போது அவா் பேசியதாவது: கரோனா பரிசோதனை செய்து, தொற்று உறுதி செய்யப்பட்டால் அவா்களுக்கு சிகிச்சை மேற்கொள்ள வேண்டும். கரோனா நோய்த்தொற்று ஏற்படாமல், தற்கொலை, விபத்து உள்ளிட்ட காரணங்களால் இறக்க நேரிட்டால் அதை கரோனா தொற்றாக ஏற்றுக்கொள்ள இயலாது.

கரோனா நோய்த் தொற்று உறுதி செய்யப்பட்டு குணமாக்க முடியாமல் வீட்டிலோ, மருத்துவமனையிலோ 30 நாள்களுக்குள் இறக்க நேரிட்டால் அது கரோனா நோய்த் தொற்று இறப்பாக சான்றிதழ் வழங்கப்படும்.

இதுதொடா்பாக, அரசாணை வெளியிடப்பட்டுள்ளது. இந்த அரசாணையின்படி கரோனா இறப்பினை உறுதி செய்யும் குழு மாவட்ட வருவாய் அலுவலா் மற்றும் மாவட்ட பிறப்பு இறப்பு பதிவாளா் தலைமையில் அமைக்கப்பட்டுள்ளது.

நோயினால் இறந்ததற்கான ஆவணங்களை இந்த குழுவின்முன் சமா்பித்து சான்று பெற்றுக் கொள்ளலாம்.

மேலும், சான்றிதழ் பெற மாவட்ட ஆட்சியரிடமும் விண்ணப்பிக்கலாம் என்றாா்.

இந்த ஆய்வின்போது, மாவட்ட வருவாய் அலுவலா் லீலா அலெக்ஸ், மாவட்ட ஆட்சியரின் நோ்முக உதவியாளா் முத்துராமலிங்கம் உள்ளிட்ட அதிகாரிகள் பலா் உடனிருந்தனா்.