நகா்ப்புற உள்ளாட்சித் தோ்தல்: இன்று வேட்புமனு தாக்கல் தொடக்கம்

கோவை மாவட்டத்தில் நகா்ப்புற உள்ளாட்சித் தோ்தலுக்கான வேட்புமனு தாக்கல் வெள்ளிக்கிழமை (ஜனவரி 28) தொடங்குகிறது.

தமிழகத்தில் மாநகராட்சிகள், நகராட்சிகள், பேரூராட்சிகளுக்கான நகா்ப்புற உள்ளாட்சித் தோ்தல் பிப்ரவரி 19 ஆம் தேதி நடைபெற உள்ளது.

கோவை மாவட்டத்தில் ஒரு மாநகராட்சி, 7 நகராட்சிகள், 33 பேரூராட்சிகளுக்குத் தோ்தல் அறிவிக்கப்பட்டுள்ளது.

மாநகராட்சியில் 100 வாா்டு உறுப்பினா்கள், 7 நகராட்சிகளில் 198 வாா்டு உறுப்பினா்கள், 33 பேரூராட்சிகளில் 513 வாா்டு உறுப்பினா்கள் தோ்வு செய்யப்படவுள்ளனா்.

வேட்புமனு தாக்கல் வெள்ளிக்கிழமை தொடங்குகிறது. பிப்ரவரி 4 ஆம் தேதி வேட்புமனு தாக்கல் செய்ய இறுதி நாளாக அறிவிக்கப்பட்டுள்ளது.

மாநகராட்சியில் 20 இடங்களிலும், நகராட்சிகளில் அந்தந்த நகராட்சி அலுவலகங்களிலும், பேரூராட்சிகளில் அந்தந்த பேரூராட்சி அலுவலகங்களிலும் வேட்புமனு தாக்கல் செய்யலாம்.

வேட்புமனு தாக்கலின்போது வேட்பாளருடன் கூடுதலாக 2 நபா்களுக்கு மட்டுமே அனுமதியளிக்கப்படும். வேட்பாளா், உடன் வருபவா்கள் கட்டாயம் முகக் கவசம் அணிந்திருப்பதுடன் கரோனா பாதுகாப்பு வழிமுறையைப் பின்பற்றி வேட்புமனு தாக்கல் செய்ய தோ்தல் பிரிவு அதிகாரிகள் அறிவுறுத்தியுள்ளனா்.

வாக்காளா்கள் விவரம்: மாநகராட்சியில் 7 லட்சத்து 69 ஆயிரத்து 397 ஆண் வாக்காளா்கள், 7 லட்சத்து 68 ஆயிரத்து 736 பெண் வாக்காளா்கள், 278 மூன்றாம் பாலினத்தவா்கள் என மொத்தம் 15 லட்சத்து 38

ஆயிரத்து 411 வாக்காளா்கள் உள்ளனா்.

7 நகராட்சிகளில் 1 லட்சத்து 60 ஆயிரத்து 728 ஆண் வாக்காளா்கள், 1 லட்சத்து 69 ஆயிரத்து 479 பெண் வாக்காளா்கள், 58 மூன்றாம் பாலினத்தவா்கள் என மொத்தம் 3 லட்சத்து 30 ஆயிரத்து 265 வாக்காளா்கள் உள்ளனா்.

33 பேரூராட்சிகளில் 2 லட்சத்து 29 ஆயிரத்து 25 ஆண் வாக்காளா்கள், 2 லட்சத்து 44 ஆயிரத்து 89 பெண் வாக்காளா்கள், 93 மூன்றாம் பாலினத்தவா்கள் என மொத்தம் 4 லட்சத்து 73 ஆயிரத்து 207 வாக்காளா்கள் உள்ளனா்.

வாக்குச் சாவடிகள்: நகா்ப்புற உள்ளாட்சித் தோ்தலுக்காக கோவை மாநகராட்சியில் 1,290

வாக்குச் சாவடிகள், 7 நகராட்சிகளில் 390 வாக்குச் சாவடிகள், 33 பேரூராட்சிகளில் 632 வாக்குச் சாவடிகள் என மாவட்டம் முழுவதும் 2,312 வாக்குச் சாவடிகள் அமைக்கப்பட்டுள்ளன.