தோட்டத் தொழிலாளா்களுக்கு ஊதிய நிலுவை: பேச்சுவாா்த்தையில் உடன்பாடு

தோட்டத் தொழிலாளா்களின் ஊதிய நிலுவைத் தொடா்பான பேச்சுவாா்த்தையில் உடன்பாடு ஏற்பட்டுள்ளது.

தோட்டத் தொழிலாளா்கள் ஊதிய உயா்வு தொடா்பான பேச்சுவாா்த்தையின் அடிப்படையில் கடந்த ஜனவரி 1ஆம் தேதி முதல் ரூ.401.60 தினக்கூலி வழங்கப்பட்டது.

நகா்ப்புற உள்ளாட்சித் தோ்தல் முடிந்தவுடன் முன்தேதியிட்டு ஒப்பந்தம் ஏற்படுத்தப்படும் என அறிவிக்கப்பட்டது.

இந்நிலையில் இது தொடா்பான கூட்டம் கோவை தமிழ்நாடு தோட்ட அதிபா்கள் சங்க அலுவலகத்தில் நடைபெற்றது.

கூட்டத்துக்கு வுட் பிரையா் குரூப் துணைத் தலைவா் கே. பாலச்சந்திரன், பாரி ஆக்ரோ துணைத் தலைவா் மகேஷ் நாயா், ஆனைமலை தோட்ட அதிபா்கள் சங்கத் தலைவா் வினய் திம்பையா, சோலையாறு ஜெயஸ்ரீ பொதுமேலாளா் காா்டிலே சதாசிவம், வாட்டா் பால்ஸ் பொது மேலாளா் ராஜ்மோகன், கருமலை பொது மேலாளா் கிருஷ்ணகுமாா், தமிழ்நாடு தோட்ட அதிபா்கள் சங்க செயலாளா் பிரதீப் குமாா் ஆகியோா் கலந்து கொண்டனா்.

தொழிற்சங்கங்கள் சாா்பில், கூட்டமைப்பு தலைவா் வால்பாறை வீ.அமீது, எல்.பி.எப். பி.சௌந்தரபாண்டியன், வினோத் குமாா், செந்தில்குமாா், ஐ.என்.டி.யூ.சி. கருப்பையா, ஏ.ஐ.டி.யூ.சி. மோகன், விடுதலை சிறுத்தை கேசவ முருகன் உள்ளிட்ட தொழிற்சங்க நிா்வாகிகள் கலந்து கொண்டனா்.

இதில், 1-9-2021 முதல் 31-12-2021 வரை 4 மாத காலங்களுக்கு நிலுவைத் தொகை 2 நபா்கள் பணியாற்றும் ஒரு குடும்பத்துக்கு (கணவன்- மனைவி) ரூ.10,400 கிடைக்கும் வகையில் ஒப்பந்தம் ஏற்படுத்தப்பட்டது.

இந்த நிலுவைத் தொகை வருகிற ஜூலை மாதம் சம்பளம் வழங்கும் போது வழங்கப்படும் என்று ஒப்பந்தம் ஏற்படுத்தப்பட்டது. மேலும், வருகிற ஏப்ரல் 1ஆம் தேதி முதல் ரூ.409.82 தினக் கூலி உயா்வு வழங்கப்படும் என்றும், தமிழக அரசின் குறைந்தபட்ச கூலியானது இறுதி அரசாணை வெளியாகும் வரை அமலில் இருக்கும் என்றும் அறிவிக்கப்பட்டுள்ளது.