தண்ணீா் தொட்டிக்குள் தவறி விழுந்த காட்டெருமை மீட்பு

வால்பாறை அருகே தண்ணீா் தொட்டிக்குள் தவறி விழுந்த காட்டெருமை தீயணைப்புத் துறையினப் மீட்டனா்.

வால்பாறை எஸ்டேட் பகுதிகளில் பல்வேறு வகையான வன விலங்குகள் வசித்து வருகின்றன.

இந்நிலையில், வால்பாறையை அடுத்த வில்லோனி எஸ்டேட் டாப் டிவிஷன் பகுதியில் உள்ள தண்ணீா் தொட்டிக்குள் வியாழக்கிழமை காலை காட்டெருமை ஒன்று தவறி விழுந்துள்ளது. இதனைப் பாா்த்த அப்பகுதி பொதுமக்கள் வனத் துறை, தீயணைப்புத் துறையினருக்கு தகவல் அளித்தனா். சம்பவ இடத்துக்கு வந்த வனத் துறை, தீயனைப்புத் துறையினா் நீண்ட நேரம் போராடி காட்டெருமை மீட்டு, அப்பகுதியில் உள்ள அடா்ந்த வனப் பகுதிக்குள் விடுத்தனா்.