தேர்தலுக்கிடையே, அசாமில் காங்கிரஸ் எம்.பி. ராஜிநாமா! பாஜகவில் இணைந்தார்!தமிழகத்தில் கோடை வெப்பம் குறைய வாய்ப்பு.. அடுத்த ஒரு வாரத்திற்கு மழை!தில்லி குடியிருப்புக் கட்டடத்தில் தீ: 3 குழந்தைகள் உள்பட 9 பேர் பலிதுரந்தர் - 2 சிறப்பு திரையிடல்: ஹிந்தி தவிர பிறமொழிக் காட்சிகள் ரத்து!பியூஷ் கோயல் நாளை சென்னை வருகை! அதிமுக - பாஜக தொகுதிப் பங்கீடு இறுதியாகிறதா?தொடா்ந்து சரியும் தங்கம் விலை: இன்று எவ்வளவு குறைந்தது?இந்திய கம்யூனிஸ்ட் கட்சிக்கு 5 கட்சிகள் ஒதுக்கீடு!
/

கே.பி.ஆா். கல்லூரியில் ரேக்ளா பந்தயம்

கோவை கே.பி.ஆா். கலை, அறிவியல், ஆராய்ச்சிக் கல்லூரி, கோவை ரேக்ளா அமைப்பு ஆகியவற்றின் சாா்பில் காளையா் திருவிழா என்ற பெயரில் ரேக்ளா பந்தயம் அண்மையில் நடைபெற்றது.

News image
கோவை கே.பி.ஆா். கல்லூரியில் நடைபெற்ற ரேக்ளா பந்தயத்தில் பங்கேற்று இலக்கை நோக்கி சீறிப்பாயும் வண்டி.
Updated On :1 ஜனவரி 2024, 6:30 pm

DIN

கோவை கே.பி.ஆா். கலை, அறிவியல், ஆராய்ச்சிக் கல்லூரி, கோவை ரேக்ளா அமைப்பு ஆகியவற்றின் சாா்பில் காளையா் திருவிழா என்ற பெயரில் ரேக்ளா பந்தயம் அண்மையில் நடைபெற்றது.

நான்காம் ஆண்டாக நடைபெற்ற இந்த பந்தயத்தை கே.பி.ஆா். குழுமத்தின் தலைவா் கே.பி.ராமசாமி தலைமை வகித்துத் தொடங்கி வைத்தாா். 200 மீட்டா், 300 மீட்டா் என இரு பிரிவுகளில் நடைபெற்ற இந்த பந்தயத்தில் பல்வேறு மாவட்டங்களிலிருந்து 400க்கும் மேற்பட்ட போட்டியாளா்கள் பங்கேற்றனா்.

முதலிடம் பிடித்தவருக்கு ஸ்கூட்டா் பரிசளிக்கப்பட்டது. இரண்டாமிடம் பிடித்தவருக்கு ஒரு பவுன் தங்க நாணயம், மூன்றாமிடத்துக்கு 6 கிராம் தங்க நாணயம், 4 ஆவது பரிசாக 4 கிராம் தங்க நாணயம், 5 ஆம் பரிசாக 2 கிராம் தங்க நாணயம், ஆறு முதல் 10 இடங்கள் வரை பிடித்தவா்களுக்கு தலா ஒரு கிராம் தங்க நாணயங்கள் வழங்கப்பட்டன. மேலும் முதல் 30 இடங்களைப் பிடித்தப் போட்டியாளா்களுக்கு வெள்ளி நாணயங்கள் வழங்கப்பட்டன.

நிகழ்ச்சியில் கே.பி.ஆா். குழுமத்தின் நிா்வாக இயக்குநா் அனந்தகிருஷ்ணன், காயத்ரி அனந்தகிருஷ்ணன், கே.பி.ஆா். கலை, அறிவியல், ஆராய்ச்சிக் கல்லூரியின் முதல்வா் பி.கீதா, கே.பி.ஆா். பொறியியல், தொழில்நுட்பக் கல்லூரியின் முதல்வா் எம்.ராமசாமி, கல்லூரி பேராசிரியா்கள், மாணவா்கள், கோவை ரேக்ளா அமைப்பின் நிா்வாகிகள் உள்ளிட்ட பலா் பங்கேற்றனா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.