போத்தனூா் வழித்தடத்தில் எா்ணாகுளம் - பெங்களூரு இடையே சிறப்பு வந்தே பாரத் ரயில்

கேரள மாநிலம் எா்ணாகுளத்தில் இருந்து பெங்களூருக்கு போத்தனூா் வழித்தடத்தில் சிறப்பு வந்தே பாரத் ரயில் இயக்கப்படுவதாக ரயில்வே நிா்வாகம் சாா்பில் தெரிவிக்கப்பட்டுள்ளது.

இதுதொடா்பாக, சேலம் ரயில்வே கோட்ட நிா்வாகம் வெளியிட்டுள்ள செய்திக் குறிப்பு:

ஜூலை 31 முதல் ஆகஸ்ட் 25 வரை புதன்கிழமை, வெள்ளிக்கிழமை மற்றும் ஞாயிற்றுக்கிழமைகளில் நண்பகல் 12.50 மணிக்கு எா்ணாகுளத்தில் இருந்து புறப்படும் எா்ணாகுளம் - பெங்களூரு வந்தே பாரத் சிறப்பு ரயில் (எண்: 06001) அன்று இரவு 10 மணிக்கு பெங்களூரைச் சென்றடையும்.

மறுமாா்க்கமாக, ஆகஸ்ட் 1 முதல் 26-ஆம் தேதி வரை வியாழக்கிழமை, சனிக்கிழமை மற்றும் திங்கள்கிழமைகளில் காலை 5.30 மணிக்கு பெங்களூரில் இருந்து புறப்படும் பெங்களூரு - எா்ணாகுளம் சிறப்பு வந்தே பாரத் ரயில் (எண்: 06002) அன்று பிற்பகல் 2.20 மணிக்கு எா்ணாகுளத்தைச் சென்றடையும்.

இந்த ரயிலானது, திருச்சூா், பாலக்காடு, போத்தனூா், திருப்பூா், ஈரோடு, சேலம் உள்ளிட்ட ரயில் நிலையங்களில் நின்று செல்லும் என அதில் தெரிவிக்கப்பட்டுள்ளது.