கஞ்சா, போதை மாத்திரை விற்ற 4 போ் கைது

கோவையில் கஞ்சா, போதை மாத்திரை விற்பனையில் ஈடுபட்ட 4 பேரை போலீஸாா் ஞாயிற்றுக்கிழமை கைது செய்தனா்.

Updated On :28 ஜூலை 2024, 9:02 pm

கோவையில் கஞ்சா, போதை மாத்திரை விற்பனையில் ஈடுபட்ட 4 பேரை போலீஸாா் ஞாயிற்றுக்கிழமை கைது செய்தனா்.

கோவை, குறிச்சி குளக்கரை பகுதியில் சிலா் கஞ்சா மற்றும் போதை மாத்திரைகளை விற்பனை செய்வதாக குனியமுத்தூா் போலீஸாருக்கு ஞாயிற்றுக்கிழமை தகவல் கிடைத்தது.

சம்பவ இடத்துக்குச் சென்ற போலீஸாா், அங்கு சந்தேகத்துக்கு இடமளிக்கும் நின்று கொண்டிருந்த 5 பேரை பிடித்து விசாரணை நடத்தினா். அப்போது, ஒருவா் தப்பியுள்ளாா்.

இதையடுத்து, 4 பேரையும் சோதனை செய்தபோது அவா்கள் விற்பனைக்காக கஞ்சா மற்றும் போதை மாத்திரைகளை வைத்திருந்தது தெரியவந்தது.

விசாரணையில், அவா்கள் வெள்ளலூா் வீட்டு வசதி வாரியக் குடியிருப்பைச் சோ்ந்த கேசவன், குனியமுத்தூரைச் சோ்ந்த ரபீக், அப்துல் ரஹீம், சுந்தராபுரத்தைச் சோ்ந்த சனூப் என்பது தெரியவந்தது.

இதையடுத்து, 4 பேரையும் கைது செய்த போலீஸாா், அவா்களிடமிருந்த 1 கிலோ கஞ்சா, 133 போதை மாத்திரைகளை பறிமுதல் செய்தனா்.

மேலும், தப்பியோடிய மனோஜ்குமாரை போலீஸாா் தேடி வருகின்றனா்.

தொடர்புடையது