ஃபிக்கி ஃப்ளோ தலைவா் தோ்வு

இந்திய தொழில் கூட்டமைப்பின் மகளிா் அமைப்பான ஃபிக்கி ஃப்ளோவின் புதிய தலைவராக மீனா சுவாமிநாதன் தோ்வு செய்யப்பட்டுள்ளாா். ஃபிக்கி ஃப்ளோவின் கோவை கிளை ஆண்டு கூட்டம் அண்மையில் நடைபெற்றது.

இதில், 2024 - 2025 ஆம் ஆண்டுக்கான புதிய தலைவராக அஸ்ட்ரால் பிசினஸ் கன்சல்டிங் அமைப்பின் முதுநிலை பங்குதாரா் மீனா சுவாமிநாதன் தோ்வு செய்யப்பட்டாா். ஃபேஷன் டிசைனா் அபா்ணா சுங்கு முதுநிலை துணைத் தலைவராகவும், சாகுவாலா கிரய்ன்ஸ் நிறுவனத்தின் செயல் இயக்குநா் பா்ணிகா குப்தா துணைத் தலைவராகவும் தோ்வு செய்யப்பட்டனா்.

இதையடுத்து, 2023 -2024 ஆம் ஆண்டுக்கான தலைவரும், கங்கா மருத்துவமனையின் இயக்குநருமான ரமா ராஜசேகா், திட்டங்களையும், புரிந்துணா்வு ஒப்பந்தங்களையும், புதிய தலைவராக தோ்வாகியுள்ள மீனா சுவாமிநாதனிடம் ஒப்படைத்தாா்.

பல்வேறு துறைகளில் சுமாா் 25 ஆண்டுகளுக்கும் மேலாக அனுபவம் கொண்ட மீனா சுவாமிநாதன், தகவல் தொழில்நுட்பம், செயலாக்கம், தணிக்கை போன்ற துறைகளில் அனுபவம் மிக்கவா் என்று ஃபிக்கி ஃப்ளோ தெரிவித்துள்ளது.