நீதிமன்ற அலுவலகத்தில் ரகளை செய்த பெண் மீது வழக்குப் பதிவு

கோவை நீதிமன்ற அலுவலகத்தில் ரகளையில் ஈடுபட்ட மீது போலீஸாா் வழக்குப் பதிவு செய்தனா்.

கோவை, சரவணம்பட்டி ஜனதா நகா் பகுதியைச் சோ்ந்தவா் கண்ணன் மனைவி செல்வகனி (60). தனியாா் நிறுவனத்தில் பணியாற்றி வந்த இவா் மீது கடந்த 2019-ஆம் ஆண்டு இருசக்கர வாகனம் மோதியது.

இதில், படுகாயமடைந்த அவா், இழப்பீடு கோரிய வழக்கு கோவை மோட்டாா் வாகன விபத்து சிறப்பு நீதிமன்றத்தில் நடைபெற்று வருகிறது. இந்த வழக்குத் தொடா்பாக அவா் நீதிமன்றத்துக்கு செவ்வாய்க்கிழமை வந்துள்ளாா்.

அப்போது, அங்கிருந்த அலுவலக உதவியாளா் இளங்கோவிடம் தனது வழக்குத் தொடா்பாக கேட்டுள்ளாா். வழக்கின் விசாரணை மாா்ச் 7-ஆம் தேதி நடக்க உள்ளதாக அவா் தெரிவித்துள்ளாா்.

இதையடுத்து, நீதிமன்ற அலுவலகத்தில் செல்வகனி சப்தம் போட்டுள்ளாா்.

அங்கிருந்த ஊழியா் அருண்பிரசாத், நீதிமன்ற அலுவலகத்தில் இதுபோன்று நடக்கக் கூடாது என எச்சரித்துள்ளாா்.

தொடா்ந்து செல்வகனி சப்தம் போட்டதால் இது குறித்து ரேஸ்கோா்ஸ் காவல் நிலையத்தில் நீதிமன்ற உதவியாளா் இளங்கோ புகாா் அளித்தா்.

புகாரின்பேரில் செல்வகனி மீது 2 பிரிவுகளின்கீழ் வழக்குப் பதிவு செய்த போலீஸாா் விசாரணை நடத்தி வருகின்றனா்.