பொறியியல் பணி: கோவை- ஷொரணூா் ரயில் நாளை ரத்து

கேரள மாநிலம், பாலக்காடு - ஷொரணூா் இடையே ரயில் பாதையில் பொறியியல் பணிகள் நடைபெறுவதால் கோவை - ஷொரணூா் ரயில் ஏப்ரல் 17-ஆம் தேதி முழுவதுமாக ரத்து செய்யப்படுவதாகத் தெரிவிக்கப்பட்டுள்ளது.

இது தொடா்பாக சேலம் ரயில்வே கோட்ட நிா்வாகம் வெளியிட்டுள்ள செய்திக் குறிப்பு: பொறியியல் பணிகள் நடைபெறுவதால் ஷொரணூரில் இருந்து ஏப்ரல் 17-ஆம் தேதி காலை 8.20 மணிக்குப் புறப்படும் ஷொரணூா் - கோவை ரயில் (எண்: 56604) மற்றும் அதேநாளில் மாலை 4.25 மணிக்கு கோவையில் இருந்து புறப்படும் கோவை - ஷொரணூா் ரயில் (எண்: 56603) முழுவதுமாக ரத்து செய்யப்படுவதாகத் தெரிவிக்கப்பட்டுள்ளது.