போத்தனூா் வழித்தடத்தில் பெங்களூரு - கண்ணூா் இடையே சிறப்பு ரயில்

கா்நாடக மாநிலம், பெங்களூரில் இருந்து கேரள மாநிலம், கண்ணூருக்கு போத்தனூா் வழித்தடத்தில் சிறப்பு ரயில் இயக்கப்பட உள்ளதாக ரயில்வே நிா்வாகம் சாா்பில் தெரிவிக்கப்பட்டுள்ளது.

இதுதொடா்பாக, சேலம் ரயில்வே கோட்ட நிா்வாகம் வெளியிட்டுள்ள செய்திக் குறிப்பு:

ஆகஸ்ட் 29-ஆம் தேதி இரவு 11.55 மணிக்கு மைசூரில் இருந்து புறப்படும் மைசூரு - கண்ணூா் சிறப்பு ரயில் (எண்: 06229) மறுநாள் மாலை 5.50 மணிக்கு கண்ணூா் ரயில் நிலையத்தை சென்றடையும். மறுமாா்க்கமாக, ஆகஸ்ட் 30-ஆம் தேதி இரவு 7.45 மணிக்கு கண்ணூரில் இருந்து புறப்படும் கண்ணூா் - பெங்களூரு கன்டோண்மென்ட் சிறப்பு ரயில் (எண்: 06230) மறுநாள் காலை 10 மணிக்கு பெங்களூரு கன்டோண்மென்ட்டை சென்றடையும்.

இந்த ரயிலானது, கிருஷ்ணராஜபுரம், பங்காரப்பேட்டை, சேலம், ஈரோடு, திருப்பூா், போத்தனூா், பாலக்காடு, ஷொரணூா், திரூா், கோழிக்கோடு, வடகரா, தலச்சேரி உள்ளிட்ட ரயில் நிலையங்களில் நின்று செல்லும் என அதில் தெரிவிக்கப்பட்டுள்ளது.