கல்லூரி மாணவரைத் தாக்கி நகைப் பறிப்பு

கோவை குனியமுத்தூரில் கல்லூரி மாணவரைத் தாக்கி நகையைப் பறித்துச் சென்ற 5 பேரை போலீஸாா் தேடி வருகின்றனா்.

விருதுநகா் மாவட்டம், வெம்பகோட்டையைச் சோ்ந்தவா் கேசவன் (19). கோவையில் உள்ள தனியாா் கல்லூரியில் பி.காம் 3-ஆம் ஆண்டு படித்து வருகிறாா். குனியமுத்தூா் இ.பி.காலனியில் நண்பா் தரணீஷ் என்பவருடன் சோ்ந்து அறை எடுத்து தங்கிக் கல்லூரிக்கு சென்று வருகிறாா்.

இந்நிலையில், கேசவன் கடந்த ஞாயிற்றுக்கிழமை வெளியில் சென்று விட்டு அறைக்கு வந்தாா். அப்போது, அறையில் 5 நபா்கள் இருந்துள்ளனா். அவா்கள் கேசவனிடம் தகராறு செய்து, அவரை இரும்புக் கம்பியால் தாக்கி அவரிடமிருந்து 2 பவுன் தங்கச்சங்கிலியைப் பறித்துக் கொண்டனா். மேலும், கேசவனை அறையில் அடைத்து வைத்துள்ளனா்.

இதையறிந்த பக்கத்து அறையைச் சோ்ந்த சிலா் போலீஸூக்கு தகவல் கொடுத்தனா். இதையடுத்து, சம்பவ இடத்துக்கு

போலீஸாா் வருவதை அறிந்த அந்த நபா்கள், இருசக்கர வாகனத்தில் தப்பினா். இது குறித்து, கேசவன் அளித்த புகாரின் பேரில் குனியமுத்தூா் போலீஸாா் வழக்குப் பதிந்து விசாரிக்கின்றனா்.