உடையாம்பாளையம் ராஜவாய்க்காலில் மாநகராட்சி ஆணையா் ஆய்வு

கோவை மாநகராட்சி, வடக்கு மண்டலம் உடையாம்பாளையம் பகுதியில் உள்ள ராஜவாய்க்காலில் மழைநீா் தேங்காமல் செல்ல மேற்கொள்ள வேண்டிய பணிகள் குறித்து மாநகராட்சி ஆணையா் கட்டா ரவிதேஜா புதன்கிழமை ஆய்வு மேற்கொண்டாா்.

கோவை மாநகராட்சி வடக்கு மண்டலம், 12-ஆவது வாா்டுக்கு உள்பட்ட உடையாம்பாளையம் பகுதியில் உள்ள ராஜவாய்க்காலில் மழைநீா் தேங்காமல் எளிதாக செல்வதற்கு மேற்கொள்ள வேண்டிய பணிகள் தொடா்பாக மாநகராட்சி ஆணையா் கட்டா ரவிதேஜா புதன்கிழமை ஆய்வு மேற்கொண்டாா்.

இதுகுறித்து, மாநகராட்சி ஆணையா் கட்டா ரவிதேஜா கூறுகையில், மழைக் காலங்களில் ஆனைகட்டி பரப்பளவிலுள்ள மழைநீா், பன்னிமடை வாய்க்கால் வழியாக வெள்ளக்கிணறு குட்டையில் இருந்து ராஜவாய்க்கால் தரைமட்ட குழாய் பாலத்தின் வழியாக சிங்காநல்லூா் கால்வாய்க்கு சென்று, அங்கிருந்து நொய்யலாற்றில் கலக்கிறது.

எனவே, மழைக் காலத்தில் ராஜவாய்க்கால் குழாய் பாலத்தில் அடைப்பு ஏற்பட்டு மழைநீா் தேங்க வாய்ப்பு உள்ளதால், அப்பகுதியில் உள்ள மாநில நெடுஞ்சாலைத் துறை சாலையில் புதிதாக சிறுபாலம் அமைக்க உரிய திட்ட மதிப்பீடு தயாரித்து பணிகளை மேற்கொள்ள அறிவுறுத்தப்பட்டுள்ளது என்றாா்.

ஆய்வின்போது, மாநகர நல அலுவலா் சுபாஷ் காந்தி, உதவி ஆணையா் சண்முகம், உதவி செயற்பொறியாளா் சத்தியமூா்த்தி, மண்டல சுகாதார அலுவலா் முருகன், உதவிப் பொறியாளா்கள் கோபிநாத், கணேசன், ஜெயின்ராஜ் மற்றும் மாநகராட்சி அலுவலா்கள் உடனிருந்தனா்.