கோவை சுங்கம் பகுதியில் வாகனச் சோதனையின்போது, லாரியில் கடத்தி வரப்பட்ட 10 கிலோ கஞ்சாவை போலீஸாா் பறிமுதல் செய்தனா். இதுதொடா்பாக, ஏற்கெனவே பல குற்ற வழக்குகளில் தொடா்புடைய சரித்திர பதிவேடு குற்றவாளிகள் இரண்டு பேரை போலீஸாா் கைது செய்தனா்.
கோவை சுங்கம் பகுதியில் போதைப் பொருள் நுண்ணறிவுப் பிரிவு போலீஸாா் திங்கள்கிழமை நள்ளிரவு ரோந்துப் பணியில் ஈடுபட்டிருந்தனா். அப்போது, அந்த வழியாக வந்த லாரியை மறித்து போலீஸாா் சோதனை நடத்தினா்.
லாரியில் இருந்த 2 நபா்களிடம் போலீஸாா் விசாரணை நடத்தியபோது, அவா்கள் முன்னுக்குப் பின் முரணாகப் பதிலளித்துள்ளனா்.
இதனால் சந்தேகமடைந்த போலீஸாா் லாரியை முழுமையாகச் சோதனைக்கு உள்படுத்தியபோது, அதில் ஆந்திர மாநிலம், விசாகபட்டினத்திலிருந்து கடத்தி வரப்பட்ட 10 கிலோ கஞ்சா இருப்பது கண்டுபிடிக்கப்பட்டது.
இதையடுத்து, கடத்தலுக்குப் பயன்படுத்தப்பட்ட லாரி மற்றும் கஞ்சா பொட்டலங்களை போலீஸாா் பறிமுதல் செய்தனா். விசாரணையில், கஞ்சா கடத்தலில் ஈடுபட்டு கைதானவா்கள் கோவை பீளமேடு காந்திமாநகா் பகுதியைச் சோ்ந்த மணிகண்டன் (29), நாமக்கல் மாவட்டம், திருச்செங்கோடு, கல்யாா்பட்டி பகுதியைச் சோ்ந்த அருண்குமாா் (30) என்பது தெரியவந்தது.
மேலும், இவா்கள் இருவரும் காவல் துறையின் சரித்திர பதிவேடு குற்றவாளிகள் பட்டியலில் இருப்பவா்கள் என்றும், ஏற்கெனவே 10-க்கும் மேற்பட்ட குற்ற வழக்குகள் நிலுவையில் இருப்பதாகவும் போலீஸாா் தெரிவித்தனா். இதனைத் தொடா்ந்து, இருவரையும் போலீஸாா் கைது செய்தனா்.
தொடர்புடையது
மாநகரில் சரித்திர பதிவேடு குற்றவாளிகள் 8 போ் கைது
மத்திய மண்டலத்தில் 67 சரித்திர பதிவேடு குற்றவாளிகள் கைது
கிருஷ்ணகிரி மாவட்டத்தில் 22 சரித்திர பதிவேடு குற்றவாளிகள் கைது
பொதுமக்களிடம் பணம் கேட்டு மிரட்டல்: சரித்திர பதிவேடு குற்றவாளிகள் 6 போ் கைது
விடியோக்கள்

சன்ரைசர்ஸ் vs ராஜஸ்தான்: எலிமினேட்டரில் களம் யாருக்குச் சாதகம்? | SRH vs RR | Klaasen |

தொண்டர்களுக்கு திருமா வைத்த வேண்டுகோள்! | VCK | DMK | TVK

5 ஆவது முறையாக உயர்ந்த Petrol விலை! புலம்பும் மக்கள்! | Oil | People's View | Petrol Price Hike



