ஸ்ரீ சேஷாத்ரி சுவாமிகள் அதிஷ்டானத்தில் ஆராதனை திருவிழா! கோவை ரயில்கள் ஊஞ்சலூரில் நின்று செல்லும்!

ஈரோடு - கரூா் ரயில் நிலையங்களுக்கு இடையே ஊஞ்சலூரில் உள்ள ஸ்ரீ சேஷாத்ரி சுவாமிகள் அதிஷ்டானத்தில் ஆராதனை திருவிழா நடைபெறுவதை முன்னிட்டு, கோவை ரயில்கள் ஊஞ்சலூரில் டிசம்பா் 27 முதல் ஜனவரி 1-ஆம் தேதி நின்று செல்லும் எனத் தெரிவிக்கப்பட்டுள்ளது.

ஈரோடு - கரூா் ரயில் நிலையங்கள் இடையே ஊஞ்சலூரில் உள்ள ஸ்ரீ சேஷாத்ரி சுவாமிகள் அதிஷ்டானம் முக்கிய ஆன்மிகத் தலமாக விளங்குகிறது. இங்கு ஆராதனை திருவிழா டிசம்பா் 27 முதல் ஜனவரி 1-ஆம் தேதி வரை நடைபெற உள்ளது.

இந்நிலையில், இந்த 3 நாள்களும் சென்னை எழும்பூா் - மங்களூரு விரைவு ரயில் (எண்: 16159), கோவை - நாகா்கோவில் விரைவு ரயில் (எண்: 16322), பாலக்காடு டவுன் - திருச்சி விரைவு ரயில் (எண்: 16844), திருச்சி - பாலக்காடு டவுன் விரைவு ரயில் (எண்: 16843), நாகா்கோவில் - கோவை விரைவு ரயில் (எண்: 16321), மங்களூரு சென்ட்ரல் - சென்னை எழும்பூா் விரைவு ரயில் (எண்: 16160) ஆகிய ரயில்கள் ஊஞ்சலூரில் 1 நிமிஷம் நின்று செல்லும் என சேலம் ரயில்வே கோட்ட நிா்வாகம் சாா்பில் தெரிவிக்கப்பட்டுள்ளது.