மாநகராட்சி வணிக வளாகத்தில் வாடகை செலுத்தாத கடைக்கு ‘சீல்’
கோவை மாநகராட்சி பகுதிகளில் உள்ள மாநகராட்சி வணிக வளாகக் கடைகளில் நீண்டகாலமாக வாடகை செலுத்தாத கடையை பூட்டி ‘சீல்’ வைக்கப்பட்டது.
சீல் - பிரதிப் படம்
கோவை மாநகராட்சி பகுதிகளில் உள்ள மாநகராட்சி வணிக வளாகக் கடைகளில் நீண்டகாலமாக வாடகை செலுத்தாத கடையை பூட்டி ‘சீல்’ வைக்கப்பட்டது.
இதுகுறித்து, மாநகராட்சி நிா்வாகம் சாா்பில் கூறியிருப்பதாவது: கோவை மாநகராட்சிக்குள்பட்ட பகுதிகளில் உள்ள மாநகராட்சி வணிக வளாகக் கடைகளில் நீண்ட காலமாக வாடகை பாக்கி செலுத்தாமல் நிலுவை வைத்திருந்த வாடகைதாரா்களுக்கு, நிலுவைத் தொகை செலுத்த கோரி நோட்டீஸ் அனுப்பப்பட்டும், மாநகராட்சி அதிகாரிகளால் பலமுறை நேரிலும் தெரிவிக்கப்பட்டு நடவடிக்கை மேற்கொள்ளப்பட்டது.
இருப்பினும் வாடகை நிலுவைத் தொகை செலுத்தாமல் இருந்த மேற்கு மண்டலம் 72-ஆவது வாா்டுக்குள்பட்ட தடாகம் சாலை பகுதியில் உள்ள மாநகராட்சி வணிக வளாகத்தில் செயல்பட்டு வந்த கடை (எண்.16) மாநகராட்சி அதிகாரிகளால் சனிக்கிழமை பூட்டி ‘சீல்’ வைக்கப்பட்டது.
மொத்த வாடகை நிலுவைத் தொகை ரூ.2,74,660 ஆகும். மேலும், கோவை மாநகராட்சிக்குள்பட்ட வணிக வளாகக் கடைகளில் மேற்கொள்ளப்பட்ட வாடகை வசூல் நடவடிக்கையின் மூலமாக ரூ.10,02,752 வசூல் செய்யப்பட்டுள்ளது என்று தெரிவிக்கப்பட்டுள்ளது.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

