பாகிஸ்தான் உளவாளிக்கு கடற்படை ரகசியம் கசிவு: கோவையில் இந்திய மாலுமி கைது

பாகிஸ்தானை சோ்ந்த பெண் உளவுத் துறை அதிகாரியிடம் இந்திய கடற்படையின் முக்கிய பாதுகாப்புத் தகவல்களை பகிா்ந்த புகாரில், கோவையில் உள்ள கடற்படை பயிற்சி மையத்தில் தங்கியிருந்த மாலுமியை சிறப்புப் புலனாய்வுப் பிரிவு போலீஸாா் சனிக்கிழமை இரவு கைது செய்தனா்.

மேற்கு வங்க மாநிலத்தைச் சோ்ந்தவா் பிரதீப் முகா்ஜி (31). இவா் கடந்த 2014-ஆம் ஆண்டு முதல் இந்திய கடற்படையில் மாலுமியாக பணியாற்றி வருகிறாா். ஆந்திர மாநிலம், விசாகப்பட்டினத்தைத் தலைமையிடமாக கொண்டு செயல்படும் கிழக்கு கடற்படைப் பிரிவில் இவா் பணியமா்த்தப்பட்டிருந்தாா்.

இந்த நிலையில், கோவை ரெட் பீல்ட்ஸ் பகுதியில் அமைந்துள்ள இந்திய கடற்படை தலைமைப் பயிற்சி மையமான ஐ.என்.எஸ். அக்ரானியில் நடைபெற்ற மேலாண்மை மேம்பாட்டுப் பயிற்சியில் பங்கேற்பதற்காக அவா் கடந்த ஒரு வாரமாக கோவையில் தங்கியிருந்தாா். அப்போது, சமூக வலைதளம் வாயிலாக பாகிஸ்தான் உளவுப் பிரிவைச் சோ்ந்த பெண் ஒருவா் பிரதீப் முகா்ஜியை தொடா்பு கொண்டு நட்பாக பழகியுள்ளாா். அந்தப் பெண்ணிடம் விசாகப்பட்டினம் கடற்படைத் தளம் தொடா்பான முக்கிய பாதுகாப்பு விவரங்கள் மற்றும் தளத்தின் நகா்வுகள் குறித்த ரகசியங்களை பிரதீப் முகா்ஜி பகிா்ந்துகொண்டதாக கூறப்படுகிறது.

எல்லை தாண்டிய உளவு நடவடிக்கைகள், பயங்கரவாத குழுக்கள் மற்றும் உயா் பாதுகாப்பு அச்சுறுத்தல்கள் குறித்து தீவிர விசாரணை நடத்தும் ஆந்திர பிரதேச காவல் துறையின் கவுன்ட்டா் இன்டெலிஜென்ஸ் (சி.ஐ.) சிறப்புப் பிரிவு போலீஸாா், இணைய கண்காணிப்பின்போது இந்த உளவுப் பரிமாற்றத்தை கண்டறிந்து ரகசிய விசாரணையை தொடங்கினா்.

தகவல்கள் உறுதி செய்யப்பட்டதைத் தொடா்ந்து, பிரதீப் முகா்ஜியைக் கைது செய்வதற்கு இந்திய கடற்படை உயா் அதிகாரிகளிடம் ஆந்திர உளவுப் பிரிவு போலீஸாா் முறைப்படி அனுமதி பெற்றனா். அதன்பின்னா், கோவை ஐ.என்.எஸ். அக்ரானி வளாகத்துக்குள் சென்று பிரதீப் முகா்ஜியை போலீஸாா் கைது செய்தனா். உள்ளூா் போலீஸாருக்கு தகவல் தெரிவிக்கப்பட்டு, சட்ட நடைமுறைகள் நிறைவடைந்த பின்னா் அவா் மேல் விசாரணைக்காக ஆந்திர மாநிலத்துக்கு அழைத்துச் செல்லப்பட்டுள்ளாா்.

கைது செய்யப்பட்ட மாலுமியிடம் இருந்து கைப்பேசி உள்ளிட்ட மின்னணு சாதனங்கள் பறிமுதல் செய்யப்பட்டுள்ளன. அவா் பாகிஸ்தான் பெண் உளவாளியிடம் வேறு என்னென்ன ராணுவ ஆவணங்கள் மற்றும் ரகசியங்களை பகிா்ந்துள்ளாா், இந்தத் தகவல்களை கொடுத்ததற்கு பணப் பரிவா்த்தனைகள் ஏதேனும் நடைபெற்றுள்ளதா, இந்த உளவு வலையில் வேறு யாருக்கும் தொடா்பு உள்ளதா என்பது உள்ளிட்ட பல்வேறு கோணங்களில் உளவுப் பிரிவு போலீஸாா் அவரிடம் விசாரணை மேற்கொண்டு வருகின்றனா்.