1.4 கிலோ கஞ்சா சாக்லெட்டுகள் பறிமுதல்: இளைஞா் கைது

கோவை ரயில் நிலையம் அருகே கஞ்சா சாக்லெட்டுகள் விற்பனையில் ஈடுபட்ட இளைஞரை போலீஸாா் கைது செய்தனா்.

கோவை, ரேஸ்கோா்ஸ் காவல் உதவி ஆய்வாளா் அஜய் சா்மா தலைமையிலான போலீஸாா் ரயில் நிலைய பகுதியில் ரோந்து பணியில் ஞாயிற்றுக்கிழமை ஈடுபட்டிருந்தனா்.

அப்போது, ரயில் நிலைய காா் நிறுத்தமிடம் பகுதியில் சந்தேகத்துக்கு இடமளிக்கும் வகையில் நின்று கொண்டிருந்த நபரிடம் சோதனை மேற்கொண்டபோது, விற்பனைக்காக 1.4 கிலோ கஞ்சா சாக்லெட்டுகள் வைத்திருந்தது தெரியவந்தது.

விசாரணையில், அவா் பிகாா் மாநிலம், ராஜ்பூரைச் சோ்ந்த அா்வேஜ் (25) என்பதும், கஞ்சா சாக்லெட்டுகள் விற்பனையில் ஈடுபட்டு வந்ததும் தெரியவந்தது. இதையடுத்து, அா்வேஜைக் கைது செய்த போலீஸாா், அவரிடமிருந்த கஞ்சா சாக்லெட்டுகளை பறிமுதல் செய்தனா்.