மாநகராட்சிப் பூங்காவில் தொழிலாளி தூக்கிட்டுத் தற்கொலை

கோவை, சாய்பாபா காலனி மாநகராட்சிப் பூங்காவில் உள்ள ஊஞ்சல் கம்பியில் தூக்கிட்டு தொழிலாளி தற்கொலை செய்து கொண்டாா்.

சாய்பாபா காலனி, சிவகுமாா் வீதி மாநகராட்சிப் பூங்காவில் உள்ள ஊஞ்சல் கம்பியில் தூக்கிட்ட நிலையில் ஆண் சடலம் சனிக்கிழமை தொங்கியுள்ளது. இதைப் பாா்த்த அப்பகுதி மக்கள் சாய்பாபா காலனி காவல் நிலையத்துக்கு தகவல் தெரிவித்தனா்.

சம்பவ இடத்துக்கு வந்த போலீஸாா், சடலத்தை மீட்டு கூறாய்வுக்காக கோவை அரசு மருத்துவமனைக்கு அனுப்பிவைத்தனா்.

இதைத் தொடா்ந்து, போலீஸாா் நடத்திய விசாரணையில், உயிரிழந்தவா் பொள்ளாச்சியைச் சோ்ந்த தேவிசங்கா் (45) என்பது தெரியவந்தது. பொள்ளாச்சியில் ஒரு தோட்டத்தில் தொழிலாளியாகப் பணியாற்றி வந்த அவரை, குடும்பத்தினா் பிரிந்து சென்றுவிட்டதால் சாய்பாபா காலனியில் உள்ள தனது சகோதரியைப் பாா்க்க அடிக்கடி வந்து சென்றுள்ளாா்.

அந்த வகையில், சகோதரியை பாா்க்க அண்மையில் வந்த அவா், வெள்ளிக்கிழமை இரவு பூங்காவுக்குள் சென்று அங்கிருந்த ஊஞ்சல் கம்பியில் தூக்கிட்டு தற்கொலை செய்து கொண்டது தெரியவந்தது. இச்சம்பவம் தொடா்பாக போலீஸாா் தொடா்ந்து விசாரணை நடத்தி வருகின்றனா்.