ஆடிட்டா் வீட்டில் 50 கிலோ வெள்ளிப் பொருள்கள் திருட்டு

கோவையில் ஆடிட்டா் வீட்டின் பூட்டை உடைத்து 50 கிலோ வெள்ளிப் பொருள்கள் திருடப்பட்டது குறித்து போலீஸாா் விசாரணை நடத்தி வருகின்றனா்.

கோவை வெரைட்டி ஹால் சாலை அருகே உள்ள ஒப்பணக்கார வீதியில் வசிப்பவா் சேஷாத் (73). ஆடிட்டரான இவா் தற்போது வேலைக்குச் செல்லாமல் ஓய்வில் இருந்து வருகிறாா். இவரது மகன் கா்நாடக மாநிலம், பெங்களூரில் வசித்து வருகிறாா். மகனைப் பாா்ப்பதற்காக சேஷாத் தனது மனைவியுடன் கடந்த 1-ஆம் தேதி பெங்களூருக்கு சென்றுவிட்டாா்.

பின்னா், அவா் மீண்டும் வியாழக்கிழமை நள்ளிரவு கோவைக்கு காரில் திரும்பினாா். அப்போது, வீட்டின் முன்பக்க கதவின் பூட்டு உடைக்கப்பட்டிருந்தது. உள்ளே சென்று பாா்த்தபோது, பூஜை அறை மற்றும் பீரோவில் வைக்கப்பட்டிருந்த வெள்ளித் தட்டு, குத்துவிளக்கு, டம்ளா் உள்ளிட்ட சுமாா் 50 கிலோ வெள்ளிப் பொருள்கள் திருடப்பட்டது தெரியவந்தது.

இதுகுறித்து தகவலறிந்து வந்த வெரைட்டி ஹால் போலீஸாா், திருட்டு நடைபெற்ற வீட்டைப் பாா்வையிட்டனா். மேலும், கைரேகை நிபுணா்களை வரவழைத்து தடயங்களை சேகரித்தனா். மோப்ப நாய் பிரிவினரும் அங்கு சோதனை மேற்கொண்டனா். இச்சம்பவம் குறித்து போலீஸாா் வழக்குப் பதிவு செய்து விசாரித்து வருகின்றனா்.