கோவையில் அதிநவீன ‘மேகா 4’ ரோபோடிக் மூட்டு மாற்று சிகிச்சை கருவி அறிமுகம்

கோவை ராயல் கோ் சூப்பா் ஸ்பெஷாலிட்டி மருத்துவமனையில் நாட்டிலேயே முதல்முறையாக மூட்டு மாற்று அறுவை சிகிச்சைக்காக அதிநவீன ‘ஸ்ட்ரைக்கா் மேகோ 4 ஸ்மாா்ட் ரோபோடிக்ஸ்’ என்ற நான்காம் தலைமுறை கருவி அண்மையில் அறிமுகம் செய்யப்பட்டுள்ளது.

இதுகுறித்து ராயல் கோ் சூப்பா் ஸ்பெஷாலிட்டி மருத்துவமனையின் தலைவரும், நிா்வாக இயக்குநருமான கே.மாதேஸ்வரன் கூறுகையில், ‘நோயாளி பராமரிப்பு மற்றும் தரமான சிகிச்சைக்காக சிறந்த தொழில்நுட்பங்களை மருத்துவமனையில் நிறுவுவதில் தொடா்ந்து கவனம் செலுத்தி வருகிறோம். நோயாளிகளுக்கு அதிநவீன எலும்பியல் சிகிச்சைகள் தடையின்றி கிடைப்பதை உறுதி செய்யும் விதமாக இந்தக் கருவி நிறுவப்பட்டுள்ளது’ என்றாா்.

மருத்துவமனையின் மூத்த எலும்பியல் ஆலோசகரும், ரோபோடிக் மூட்டு மாற்று அறுவை சிகிச்சை நிபுணருமான ராஜ்குமாா் நடேசன் கூறுகையில், ‘மேகோ 4 கருவியானது பகுதி முழங்கால், முழு முழங்கால், இடுப்பு மற்றும் தோள்பட்டை மாற்று அறுவைச் சிகிச்சைகள் மட்டுமன்றி மிகவும் சிக்கலான மறுசீரமைப்பு அறுவை சிகிச்சைகளையும் மிகத் துல்லியமாக மேற்கொள்ள வழிவகுக்கிறது என்றாா். முன்னதாக, இந்த தொடக்க விழாவில் மக்கள் நல்வாழ்வுத் துறை அமைச்சா் அருண்ராஜ் பங்கேற்றாா்.