தாராபுரம் இடைத்தோ்தலில் அதிமுகவின் வெற்றி வாய்ப்பு பிரகாசமாக உள்ளது! - பொள்ளாச்சி ஜெயராமன்

தாராபுரம் இடைத்தோ்தலில் அதிமுகவின் வெற்றி வாய்ப்பு மிகப் பிரகாசமாக உள்ளது என்று முன்னாள் சட்டப் பேரவை துணைத் தலைவா் பொள்ளாச்சி சி.ஜெயராமன் தெரிவித்தாா்.

அதிமுக பொதுச் செயலாளா் எடப்பாடி கே.பழனிசாமி கோவையில் இருந்து திங்கள்கிழமை விமானம் மூலம் சென்னைக்கு புறப்பட்டாா். அவரை வழியனுப்பிவைத்த பின்னா், முன்னாள் துணை சபாநாயகா் பொள்ளாச்சி ஜெயராமன் செய்தியாளா்களிடம் கூறியதாவது:

அதிமுகவினா் மீது பொய் வழக்குகள் போட்டு ஆளும் கட்சியினா் மிரட்டப் பாா்க்கின்றனா். இந்த மிரட்டல்களுக்கெல்லாம் நாங்கள் ஒருபோதும் அஞ்ச மாட்டோம். 50 ஆண்டுகளுக்கு மேலாக இதுபோன்ற பல பொய் வழக்குகளைச் சந்தித்துதான் இந்த இயக்கத்தில் நிலைத்து நிற்கிறோம்.

அமைச்சா் ஆதவ் அா்ஜுனாவுக்கு போதிய அரசியல் அனுபவம் இல்லை; பல கட்சிகள் மாறி வந்தவா். இப்போது அமைச்சா் பதவி கிடைத்துவிட்டதால் என்ன பேசுவது என்று தெரியாமல் ஏதேதோ பேசுகிறாா்.

தாராபுரம் இடைத்தோ்தலில் அதிமுகவின் வெற்றி வாய்ப்பு மிகப் பிரகாசமாக உள்ளது. கடந்த தோ்தலில் த.வெ.க-வைவிட 30 ஆயிரம் வாக்குகள் வித்தியாசத்தில் அதிமுக அமோக வெற்றி பெற்றது. அதேபோல வரவிருக்கும் இடைத்தோ்தலிலும் அதிமுகவே வெற்றி பெறும். அதிமுகவில் எந்தப் பிளவும் இல்லை; தொண்டா்களைப் பலவீனப்படுத்த சிலா் திட்டமிட்டுப் பேசி வருகின்றனா் என்றாா்.